11a Meksika Esperanto Kongreso. Guadalajara, Jalisco 16a-18a septembro 2011

La 11a Meksika Esperanto Kongreso (MEK), kies temo estas: "La instruado de Esperanto en Meksiko; malfacilaĵoj, defioj kaj proponoj ", okazos inter la 16ª kaj 18ª de septembro, en la urbo Guadalajara, Jalisco.

La sidejo de la 11a MEK estos la instalaĵoj de la merkatika entrepreno “Cobeh In”, kiu troviĝas en la kvartalo Providencia, proksime de la plej reprezenta fonto de la urbo “La Minerva”. la adreso estas:
Montreal #1051, inter Ostia kaj Nápoles, Col. Providencia. Pli sube vi trovos indikojn kiel atingi la kongresejon.

Tiu kongrestemo estis elektata ĉar nia celo estas daŭrigi la laboron, kiu komenciĝis en 2008 en la Fakultato pri Lingvoj de la UABC rilate al la oficiala enkonduko de Esperanto kaj la atingitajn rezultojn en aliaj edukaj institucioj de la lando. Pro tio, Meksika Esperanto Federacio kaj la organiza teamo decidis kunigi fortojn por kundividi kaj interŝanĝi konojn, spertojn kaj alveni al konkludoj, kiuj povus impulsi la disvolvigon de la Esperanta movado en Meksiko.

Tiel, la ĉefa temo donos la eblon labori samtempe pri subtemoj, kiuj havigos ilojn al la partoprenantoj per kiuj ili disvolvigos diversajn kapablojn kaj tiel ili povos kunlabori pli efike en la movado. La programo inkluzivos aktivecojn kiel ekzemple:

a) Kreado de didaktika materialo por la instruado de Esperanto,
b) La propedeŭtika valoro de Esperanto,
c) la memlernado de Esperanto.

En la kultura programero, ni havos la partoprenon de rekonaj artistoj kiel la franco Jean-Marc Leclercq (JoMo) , la polo Georgo Handzlik kaj de nia samlandano Armando Hernández, muzikisto de la "Orquesta Sinfónica de Bellas Artes".

Krom tio, estos labortabloj, libroservo, meksika festo, inter aliaj aktivecoj.

Aliteme kaj pro diversaj elspezoj bezonataj por la organizado de la evento, ekzemple la loĝistiko, materialo por aktivecoj, administrado, kafejo, inter aliaj; la organizantoj kaj estraranoj de Meksika Esperanto Federacio, interkonsentis ke la aliĝkotizoj estos la sekvaj.

Same, aldonaj mondonacoj venantaj de ĉiuj homoj estas akceptataj, sendepende de la partopreno en la evento.

Kongrespagoj kaj mondonacoj:

  • Banko HSBC
    Kontnumero: 6284087436
    Nome de Morayma Martínez Mateos, kasistino de MEF
    Clabe: 021180062840874362
  • la konto de MEF en UEA: mefa-h

Ĉar la kongreso estos dum feriaj tagoj pro la jubileo de la sendependeco de Meksiko, la hotelistoj informis nin ke estas tre rekomendinda rezervi ĉambrojn anticipe. Ĉi tie estas listo, de rekomenditaj hoteloj, preskaŭ ĉiuj troviĝas en la centro de la urbo, tamen, por atingi la kongresejon, vi nur devas preni 1 aŭtobuson.

Kiel atingi la kongresejon per publika transporto?
En la urbocentro, ekde la Katedralo de Guadalajara, iru suden sur Av. 16 de Septiembre ĝis Madero strato. Sur Madero prenu la buson 51c, kaj elbusiĝu en la angulo Av. López Mateos kaj José María Vigil strato, sur tiu ĉi lasta piediru tri stratojn okcidente, kaj vi turnu dekstren sur Montreal post bloko kaj duono vi trovos la Kongresejon. NB. La veturado daŭros inter 35 kaj 40 min, dependante de la trafiko. Bv. iri al sekva ligo, kie vi trovos la vojon, kiun sekvas la aŭtobuso de la centro al kongresejo.

Kiel atingi la kongresejon per aŭto aŭ taksio?
Troviĝante enurbe, iri sur la avenuo López Mateos preterpasi la “Minerva” kaj sekvi al la trafikcirklo nomata “Eulogio Parra”, tie estas apoteko “Farmacia Guadalajara”, benzinejo kaj aŭtvendejo “Chevrolet”. Ankoraŭ pluiru 2 stratojn sur avenuo “Eulogio Parra”, kiam vi alvenas al vendejo “OXXO” iru dekstren sur la strato Montreal ĝis vi trovu Cobeh In.

Kiel multaj el vi scias, la sukceso de la kongreso dependas de la klopodo de ĉiuj: ĈEESTU, DISVASTIGU, DONACU MONON, KUNLABORU!

Bv. atendi la publikotajn novaĵojn rilataj al la kongreso, ekz. aliĝilo, programo, detaloj. Tamen se vi havas dubojn, bv. skribi al mek2011@esperanto-mexico.org

Archivo: 
KunsendaĵoGrandeco
kotizguadalajara.pdf19.2 KB
aliĝilo.pdf229.12 KB
Hoteloj GDL.pdf375.19 KB
Ruta 51c.jpg911.52 KB
Categorías: