Aktualaĵoj

TAKE Kongreso en Montreal / 7 meksikanoj partoprenas

Dum la semajno en Montrealo oni diskutis pri la plej diversaj temoj, sed ĉefe pri la lingva egaleco kaj kultura diverseco. Gravas la protekto de la diversaj lingvoj kaj kulturoj.

La temo de la kongreso kiu okazis inter la 11a kaj la 18a de julio 2008 estas "Ekosistemoj - lingvoj - kulturoj". Krom la temaj progremeroj oni ankaŭ diskutas pri diversaj temoj rilate al la Esperanto en Ameriko.

Inter la preskaux 200 kongresanoj el 14 landoj (inter aliaj Ruslando, Kostariko, Gvatemalo) troviĝas ankaŭ meksikanoj. Inter tiuj 4 apartenas al la estraro de Meksika Esperanto Federacio..

Kurso de Esperanto ĉe la kemia fakultato sukcese okazas

La kurso ĉe la kemia fakultato de la UNAM atingis la minimuman partoprenantaron kaj do bonorde okazas. La kurso komencis je la 23a de junio kaj daŭros ĝis la 4a de julio 2008 (ĉiam inter la 10a kaj la 11a horo matene).

Ni tre kore dankas pro la instruado al profesoro Daniel Martínez Moreno, kiu estas la ĝenerala sekretario de MEF.

100.000 artikoloj en la Esperanto-vikipedio

Artikolo rilate al 100.000 artikoloj en la Esperanto-Vikipedio

Proksimume je la 16a de junio la Esperanto-vikipedio havos 100.000 artikolojn. La internacia lingvo Esperanto per tio antaŭvideble estos la 20a lingvo, kiu atingos tiun grandecon. Ĉiutage la Esperanto-Vikipedio http://eo.wikipedia.org/ kreskas per mezume 40 artikoloj kaj kelkaj cent aldonoj kaj redaktoj de jam ekzistantaj artikoloj. La kunlaborantoj venas el pluraj dekoj da landoj, inter tiuj ankaŭ Meksiko, kaj tial povas enmeti la scion el multaj diversaj kulturoj de la mondo en la Esperanto-vikipedion.

Pola Parlamenta rezolucias okaze de la 100-jariĝo de Universala Esperanto-Asocio*

La sejmo (Sejm), la pola parlamento hodiaŭ matene, 12a de junio 2008, unuanime akceptis rezolucion okaze de la 100-jariĝo de Universala Esperanto-Asocio. “Esperanto ligas homojn en riĉa kaj valora kulturo, kies fundamenta mesaĝo estas internacia amikeco kaj universala paco” substrekis la deputitoj en la proklamita rezolucio.

Retpaĝo de Meksika Esperanto-Federacio denove funkcias

Post paŭzo la retpaĝho de Meksika Esperanto-Federacio fine denove funkcias. Mi dankas al ĉiuj kunlaborantoj kiuj helpis realigi la projekton kaj alvokas la Meksikan Esperantaron kunlabori ke la paĝo daŭre estu aktuala. Martin Schäffer

Raporto pri la 9-a landa kongreso de Meksika Esperanto-Federacio (MEF), okazinta en la urbo Aguascalientes


Oficiala komuniko de MEF :
De la 1ª ĝis la 5ª de majo 2008, 32 partoprenantoj el ses landoj, kongresis en la meksika urbo Aguascalientes. La programo estis riĉenhava. Estis prelegoj pri la historio de Esperanto en Meksiko (Inĝ. Fidel Figueroa), Esperanto ĉe la UNAM-o (Mag. Luis Cordova), Omaĝo al komponisto kaj kantisto de infankantoj, Kri Kri (Mag. Vicente Valdez Bejarano), la UEA komisiito pri Ameriko, S-rino. Maritza Gutierrez, prezentis la agadon de la Amerika Komisiono. Ĉar la intereso de MEF estas kalkuli je novaj instruistoj, okazis trejnseminario gvidita de S-ro Atilio Orellana Rojas.

Paĝoj

Subscribe to Aktualaĵoj