Aktualaĵoj

Antaŭfilmo de Mizantropeco

Ni invitas vin vidi la antaŭfilmon "Mizantropeco", meksika mallonga filmo de Fondaĵo Novangardo. Memoru ke tiu fondaĵo kaj Meksika Esperanto Federacio kunlaboras ekde ĉi jaro kaj ĝoje la unuaj rezultoj aperas sur la scenejo.

Mizatropreco, 2013

Ĉefa rolulo: Mario Iván Martínez.

Aŭtoroj kaj reĝisoroj: Enrique Cedillo kaj Alfonso Ortiz.

Jen ĝi sube...

Emblemo de la 13a Meksika Esperanto Kongreso

Jen ni prezentas al vi la belan emblemon de la 13a Meksika Esperanto Kongreso, ĝi estis dezajnita de Mallinali García García, aktiva membro de Meksika Esperanto Federacio, kiu gajnis la dezajnkonkurson pasintan marton.

Jen la priskribo de ĝi:

La emblemo aludas la aztekan kalendaron, kun la simbolo de “Tonathiu” (suno) reprezentante, unue, la lokon en kiu oni okazigos la 13an meksikan kongreson, tio estas la Ĉefurbo de la lando. Tiu loko estas la centro de la antaŭhispana tradicio, kiu ankoraŭ havas gravan rolon ene de la meksika identeco. En ĝi fondiĝis la urbo “Tenochtitlan”, kie oni ankoraŭ povas rimarki la vestiĝojn de la antikva civilizo (mexica). La emblemo ankaŭ resprezentas la povon de la naturo kaj memorigas la respekton, kiun oni devus havi al ĉiu vivaĵo ĉar ĉiu kundividas gravan interdependan rilaton kun la aliaj, en ĝi la suno estas la ĉefa energifonto.

Prezidantino de MEF ricevis KER atestilojn de meksikanoj

La 27an de julio, post la solena fermo de la 98a Universala Kongreso de Esperanto okazinta en Rejkjaviko, Islando, Mallely Martínez M., prezidantino de Meksika Esperanto Federacio, ricevis de Katalin Kovats kaj Renato Corsetti, KER atestilojn de meksikanoj, kiuj sukcesis la ekzamenon pasintjunie dum la 2a Tutmonda KER-ekzamensesio.

MEF do havas la plezuron transdoni la gratulmesaĝon al la sukcesintoj kaj ĝenerale al meksikanaro, kiu estas ja ekzemplo por aliaj esperantoparolantoj.

Je nia flanko, ni instigas la meksikanojn prepariĝi por fari, en 2014, tiun ekzamenon ĉu kiel nova kandidato aŭ je pli alta nivelo.

Jen la listo de sukcesintoj, kiuj faris la ekzamenon en Tecámac, Estado de México (laŭ alfabeta ordo):

Aguilar y Aguilar Araceli

Alvarado Lara Alfredo

Cesni Martínez Hugo Axel

Hodiaŭ komenciĝos la 98a Universala Kongreso de Esperanto en Islando

Kiel vi certe scias, hodiaŭ komenciĝos la 98a Universala Kongreso de Esperanto en Rejkjaviko, Islando, la kongresa temo estas “Insuloj sen izoliĝo:

por justa komunikado inter lingvokomunumoj”, al ĝi aliĝis ĝis nun pli ol 1000 homoj el 55 landoj, inkluzive Meksiko.

Hodiaŭ dum la “movada foiro” Meksika Esperanto Federacio partoprenos aktive informante pri la nacia movado kaj kongreso, tiu ĉi lasta okazonta venontan novembron.

Aliflanke, por kundividi iom pri Islando kun niaj aktivaj membroj kaj kun diversaj legantoj, ni invitas vin sekve legi iomete pri tiu ĉi interesa lando:

  • la ĉevaloj tiom gravas en la lando ke pluraj islandaj familioj posedas propran.

  • la vetero povus ŝanĝiĝi subite, ĉu vi ne ŝatas la islandan veteron? Nur atendu kelkajn minutojn kaj vi havos alian :)

Sukcese okazis la KER-ekzamenoj en Tecámac*

En la pasintaj 8a kaj 9a de junio sukcese okazis la 2a Tutmonda KER ekzameno. En la sidejo Tecámac, Meksiko, la 36 kandidatoj aperis akurate en la ekzamenejo por fari la kompleksan aŭ nur unu el ambaŭ partoj: skriba / parola.

Post la ekzameno, ni kune manĝis kaj kompreneble la ekzamenitoj parolis pri la facileco / malfacileco de la ekzameno, la organizado de la evento kaj pri planoj partopreni la okazaĵon ankaŭ venotjare. Ni nur atendas la rezultojn, kiuj espereble estos ĝojigaj.

Inkluzive de la kvar kandidatoj en Tijuana, ni gratulas ĉiujn, kiuj faris la ekzamenon en Meksiko, speciale al Víctor Sombra A., Arturo Torres S., David López R. kaj Luis Córdova A., kiuj en 2012 faris la C1 skriban kaj ĉijare faris la parolan en la sama nivelo, la plej alta kiu ĝis nun ekzistas en Esperantujo.

Dankon kaj sukceson en la KER-ekzameno

Tre baldaŭ, en la 8a de junio, komenciĝos la 2a Tutmonda KER-ekzamensesio en kiu partoprenos 250 homoj el 16 landoj kaj 25 urboj, inter ili troviĝas la meksikaj urboj Tijuana kaj Tecámac, tiu ĉi lasta kun la plej multo de kandidatoj monde, iomete pli ol 14% de la tuto.

Meksikanoj ekzameniĝos en la partoj skriba, parola aŭ faros la kompleksan ekzamenon je la niveloj B1, B2 aŭ C1.

Ni ege dankas pro la kunlaboro kaj/aŭ partopreno de niaj aktivaj membroj kaj de aliaj meksikanoj kiuj kuraĝis aliĝi al tiu ĉi grava evento. Kompreneble la kunorganizantoj kaj helpantoj de nia sesio meritas ankaŭ grandan laŭdon.

Aliflanke, ni instigas ĉiun lernanton / parolanton de la Internacia Lingvo prepariĝi por la venonta jaro kaj tiel kontribui al la kreskado de la prestiĝo de Esperanto en la mondo.

Feliĉan tagon de la instruisto!

Hodiaŭ, je la 15a de majo, en Meksiko ni festas “la tagon de la instruisto” kaj per tiu ĉi mesaĝo mi profunde volas danki al ĉiuj instruistoj de Esperanto en la mondo, kiuj kundividas siajn konojn kaj helpas vivteni la esperantan movadon.

Kompreneble mi speciale volas danki kaj gratuli niajn meksikajn esperantajn geinstruistojn:

Araceli Aguilar, Areli Sánchez, Carlos Hernández, Carolina Jasso, Daniel Moreno, David López, Edgar López, Gabriel Jiménez, Gabriela Reyes, Gilda Muñoz, Guadalupe Vega, Hugo González, Javier Vásquez, Luis Córdova, Martha Cárdenas, Martin Schäffer, Morayma Martínez, Milton Hernández, Rubén Feldman, Sergio Romero, Sofía Carbot, Ulises Franco kaj Víctor Sombra.

Dankon pro via gravega kunlaboro kaj pardonu se mi forgesis mencii iun en la listo.

Mallely Martínez M. prezidantino de MEF

Kunlaboro inter MEF kaj fondaĵo Novangardo

Ni ĝojas informi vin ke en la komenco de la jaro iu institucio pri arto nomata “Fundación Novangardo” kontaktis al MEF por peti kunlaboron kaj ekde tiam komenciĝis serioza rilato inter ambaŭ institucioj.

Do nia unuiĝo celas unuflanke disvastigi la uzon de la Internacia Lingvo Esperanto kaj aliflanke la artan talenton de meksikaj junuloj enlande kaj eksterlande.

Nia kunlaborado bone ekis kaj oni publikigos baldaŭ la Esperantan version de la ĉefa retpaĝo de “Fundación Novangardo”, ni informos vin kiam tio estu fakto.

Meksika Esperanto-Federacio partoprenis ĉe la semajno pri lingvoj en Puebla*

La 16-an kaj 17-an de aprilo Meksika Esperanto Federacio denove partoprenis la"Semajno pri lingvoj" en la Fakultato pri Lingvoj de BUAP, granda publika universitato de la meksika urbo Puebla.

Reprezentantoj de MEF ne nur partoprenis per informstando, sed ankaŭ per prelego kaj Esperanto-kurseto. Al nia stando venis tre multaj homoj por informiĝi pri Esperanto kaj kiel uzi ĝin. Pli ol 70 personoj petis pliajn informojn kaj pro tio ili lasis personajn datumojn kiel retpoŝtadreson. Granda intereso ankaŭ estis ĉe la prelego pri Esperanto kaj ĉe la rapidkurseto, en tiu lasta ĉeestis pli ol 25 junuloj.

Krome estis interese ke surloke apogis al ni novan Esperanto-parolanton, Gerardo Morales, kiun ni ne konis antaŭe, al li, al D-ro Iván Deance, Gabriel Jímenez, Víctor Cesni kaj Martin Schäffer ni kore dankas pro ilia aktiva partopreno en la evento.

Verkita de Martin Schäffer.

Junie KER skribaj kaj parolaj ekzamenoj okazontaj en Meksiko!

Je la 8a de junio okazos la 2a Tutmonda KER ekzamensesio, en kiu jam aliĝis 24 urboj, inter ili Tecámac, Estado de Mexico kaj Tijuana, Baja California.

Ĉifoje homoj havos la eblon fari ne nur la skriban parton sed ankaŭ la parolan, tamen ĝis nun oni nur akceptis por la parola parto urbojn de Francio, Le Chaux de Fonds, Svislando kaj Tecámac, Meksiko. Do estas privilegio por ni okazigi tiun sesion.

Esperanto en la Semajno pri Lingvoj de la BUAP

Meksika Esperanto Federacio partoprenos en la “Semajno pri Lingvoj” 2013 de la Fakultato pri Lingvoj de la Benemérita Universidad Autónoma de Puebla, ĝi estas unu el la plej gravaj eventoj de tiu fakultato.

Esperantoparolantoj de tiu urbo, Martin Schäffer kaj Gabriel Jiménez partoprenos aktive per prelego, informstando kaj kurso. La evento estas senpaga kaj por la ĝenerala publiko, tial, se vi konas homojn, kiuj interesiĝas pri Esperanto, bv. informi ilin!

La ekzaktaj datoj de nia partopreno estas:

Rezultoj de la dezajnkonkurso por la 13a MEK

Kiel promesite, jen sube ni publikas la rezultojn de la dezajnkonkurso de la emblemo kaj afiŝo de la 13a Meksika Esperanto Kongreso okazonta ĉijare en la Ĉefurbo de Meksiko.

EMBLEMO

1a loko: Malinalli García García el Estado de México

2a loko: Diana Carolina Hanessian de la Garza el Distrito Federal

3ª loko: Angélica Rodríguez Tovar el Guerrero

AFIŜO

1a loko: Regina Reichert Sosa el Querétaro

2a loko: Bárbara Yadira Terán Chávez el Estado de México

Intervjuo en radio, CÓDIGO DF

Vendrede, la 22an de marto je la 12a horo, “CÓDIGO DF”, virtuala, kultura radio de la Ministerio pri Kulturo de la Registaro de Distrito Federal, faris intervjuon al Meksika Esperanto Federacio pri tiu ĉi lingvo kaj ĝia movado. Aῠskultu ĝin je la sekva ligo kaj se eblas lasu pozitivajn komentojn, tiel kaj la estroj de la programo "Ecléctico" kaj ĝiaj aŭskultantoj povas rimarki ke estas intereso pri la temo http://www.codigoradio.cultura.df.gob.mx/index.php/programacion/en-vivo/... 

Disvastigu Esperanton dum la 6a Festivalo de Fremdaj Komunumoj, Querétaro

Ni invitas enloĝantojn de Querétaro kaj / aŭ ĉirkaŭaĵoj helpi en la disvastigado de la Internacia Lingvo Esperanto dum la 6a Festivalo de Fremdaj Komunumoj en Querétaro.

La Esperanta klubo “Esperétaro” partoprenis en la lasta jaro, kaj ĝi ankaŭ faros tion en tiu ĉi.

Bv. vidi la raportfilmeton de 2012 ĉe la sekva ligo: http://www.youtube.com/watch?v=-kqazi0lIjc&context=C3ccde91ADOEgsToPDskKsqW9pde4_ei_MEtIT6y54

Por partopreni bv. kontakti al Carlos Hernández al cfhl.esperetaro@gmail.com aŭ voku al lia poŝtelefono: 442 385 1360

Kiam? sabate, la 2an de marto

Kie? Parque Bicentenario Querétaro

Kion Esperátaro faros? Ĝiaj anoj disdonos flugfoliojn kaj alparolos la homojn pri Esperanto.

Partoprenu!

"La angla estas la universala lingvo. Eraro!", mencias Mier de AEROMEXICO*

Aeromexico” estas unu el la ĉefaj flugkompanioj de Meksiko, ĝi eldonas relative regule revuon nomata “Gran Plan” kaj en ĝia eldonnumero #67 paĝo 86-87, Laura Mier Carbonell publikis artikoleton nomata “La soleneco de Tokio”, por ni estas interese, kioŝi asertas:

 

“Multaj pensas ke la angla estas la universala lingvo. Eraro! En Japanio, eĉ se tio sonas stranga, estas tre malmulte da personoj, kiuj parolas la anglan; eĉ la junuloj ne faras tion. … Do ekhavu paciencon… ĉar plej verŝajne vi eĉ ne povos demandi la homojn ĉirkaŭ vi kie troviĝas via hotelo” p. 87.

 

Paĝoj

Subscribe to Aktualaĵoj