Aktualaĵoj

JoMo ankaŭ partoprenos en UAQ

Okaze de la vizito de JoMo al Meksiko por lia partopreno en la 11a MEK, ni aranĝis koncerton en la Fakultato pri Lingvoj (FLL) de la Universitato Aŭtonoma de Querétaro.

La direktorino de FLL volonte akceptis nian kunlaborpeton kaj tiel daŭras la bona rilato inter Meksika Esperanto Federacio kaj UAQ.

Sergio Romero A. kaj Carlos Hernández L. unue prelegos pri Esperanto por gestudentoj kaj ĝenerala publiko kaj poste JoMo muzikos por la partoprenantoj.

La rendevuo estas dum la 14a de septembro je la 17a en la “Sala de Conferencias de TECAAL”, apud la biblioteko de la Fakultato pri Lingvoj de la Universitato Aŭtonoma de Querétaro, campus Aeropuerto.

Adreso:
Carretera a Chichemequillas, Ejido Bolaños, Querétaro, Qro
En la sekva ligo vi povos vidi mapon por atingi la universitaton
http://aeropuerto.uaq.mx/croquis.html/

Ni invitas vin disvastigi la informon!

Uzantoj de lernu.net, bv. voĉdoni!

Por la konkurso okaze de 100 000 registritaj uzantoj la teamo de lernu! ricevis multajn belajn konkursaĵojn. Kaj nun estas lanĉita la voĉdonado por elekti la plej belajn laborojn, kiuj ricevos la premiojn. Voĉdonu vi mem kaj invitu ĉiujn viajn amikojn fari tion. Atentu, ke voĉdoni rajtas nur registritaj uzantoj de la paĝaro. http://lernu.net/konkurso/
Amike, La teamo de lernu!

Traduku "Berlino sen vi"*

Esperantisto Chuck Smith, usondevena loĝanta en Berlin, strebas atingi novan rekordon pri kvanto de lingvoj, al kiuj estas tradukita filmeto en la retejo universalsubtitles.org, kaj tiel diskonigi Esperanton... "Berlino sen vi" estas kanto, kiu troviĝas en la albumo "Urbano" de Inicialoj DC.

Legu http://www.liberafolio.org/2011/esperanta-muzikvideo-strebas-al-subtitola-rekordo/rekte vizitu la tradukejon de la filmo: http://www.universalsubtitles.org/en/videos/yK4P7tiWMjfd//

La afero estas facila, se oni bone konas iun lingvon. Partoprenu kaj diskonigu Esperanton!

*Verkita de Martin Schäffer

Meksika Esperanto-Federacio en Facebook

Saluton al ĉiuj, kiuj interesiĝas pri la esperanta movado en Meksiko!

Jen ni invitas al vi aliĝi al Facebook-paĝo de MEF, kies adreso estas: https://www.facebook.com/MEFanoj

Tie vi trovos informojn pri eventoj kaj aktualaĵoj kaj pli grava estas ke vi restos en kontakto kaj povos lasi mesaĝojn por MEF!

Du MEF-membroj akiris la stipendion por iri al Varsovio*

Je la komenco de februaro dew 2011, ni informis ke baldaŭ okazos la SEL-seminario organizata de Skolta Esperanto Ligo (SEL) kaj Tutmonda Esperanto Junulara Organizo (TEJO), ankaŭ ni informis kaj kunvokis al skoltoj, esperantoparolantoj kaj ankoraŭaj ne esperantistoj, pri la eblo akiri stipendion de la organizantoj.

En la kazo de Meksiko, 2 aktivaj membroj de MEF ricevis ĝin. Ni gratulas al Carlos Hernández Loarca de Querétaro kaj Malinalli García de Tlalnepantla, kiuj nun troviĝas en Varsovio lernante, partoprenante kaj ĝuante la internacian esperantan etoson.

Ni forte esperas ke ili povu kundividi kun ni siajn spertojn kaj ke, revenente Meksikon, ili povu pli aktive partopreni en la esperanta kaj skolta movadoj lande.

Aliflanke ni dankas ne nur al SEL kaj TEJO pro la organizo kaj helpo sed ankaŭ al Fondaĵo Mondo kaj al Universitato Aŭtonoma de Querétaro pro la kroma helpo al la meksikaj partoprenantoj.

* Verkis: Mallely Martínez

La 7ª semajnfina Esperanta renkontiĝo estis sukcesplena kaj ripetinda*

Post 5 monatoj da paŭzo okazis denove en Meksiko semajnfina renkontiĝo dum la lastaj 2ª kaj 3ª de aprilo, tiu ĉi 7a, kiel ĉiuj pasintaj, estis sukcesplena ne nur ĉar Querétaro troviĝas en strategia loko de la lando sed ankaŭ pro la konstanta aktiveco de la lokaj Esperantistoj.

Ĉio estis aranĝita antaŭ la komenciĝo, partoprenis homoj de Celaya, Distrito Federal, Morelia, Querétaro, Saltillo, San Luis Potosí, San Juan del Río, Tecámac kaj Tequisquiapan. La programon ni ne sekvis kiel publikite ĉar jam ekde la komenco pluraj homoj malsatis kaj post la rigardo de la bona manĝo, la bruo de niaj stomakoj ne permesis aŭskulti ion alian, do… ni decidis obei kaj manĝi analizante ke poste tio ebligus kapti la tutan atenton por la sekvaj aktivecoj.

Post manĝo kaj babilado inter la homoj, la 3 ĉeestantaj estraranoj de MEF: Mallely, Daniel kaj David, prezentis sin kaj kore gratulis la EsperetaraN kluboN pro la kunorganizado de la evento. Ĉar estis pluraj, kiuj ne konis inter si, ni petis la partoprenantojn prezenti sin ankaŭ.

Ankaŭ en la Preparatoria 7 de UNAM estos Esperanto*

Dum la 31a de marto Javier Vásquez Ochoa prelegis du foje pri Esperanto en la Preparatoria “7” (gimnazio) de la Universitato Nacia Aŭtonoma de Meksiko.

Antaŭ semajnoj la preleginto kontaktis la ekstron de la “Mediateca” de tiu institucio por esplori la eblon inkludi Esperanton inter la lingvoj, kiujn la studentoj memstare povas lerni per retaj kursoj, filmoj kaj aliaj materialoj ĉefe elektronikaj.

La reago estis pozitiva kaj ni profitis la momenton proponante la diskonigon de tiu nova servo per la prezento de la Internacia Lingvo; do oni donis la spacon al ni por prelegi kaj tagmeze kaj vespere.

Partoprenis la prelegon ĉefe gejunuloj, kiuj aĝas inter 16 kaj 19, tamen ankaŭ ĉeestis instruistoj kiuj tre atente sekvis la prezentitan filmon kaj prelegon, dum kiu Javier informis ke je la venonta semestro li donos kurson en la “Mediateca”, tiel la interesitoj povos akiri la bazajn konojn de la lingvo kaj sekvi la memlernadon en tiu centro.

Unu plia jaro por rememori al Dro. L. Ludoviko Zamenhof*

Akurate alvenis 29 personoj, kiuj partoprenis la tradiacian renkontiĝon por festi al Dro. Zamenhof okaze de lia 151 datreveno. Kiel dua fojo, la rendevuo estis ĉe la restoracio “Madero” situata kore de Meksikurbo. Tie, oni ofertis elekteblan matenmanĝon inter tiuj estis la tadicia meksika manĝo “chilaquiles” kaj ne tiom meksika “Omeleto”, ni povis ankaŭ gustumi kafon kaj oranĝan sukon.

Inter la partoprenintoj estis kelkaj esperantistoj kiuj jam delonge helpas la disvastigon de Esperanto en nia lando, komencantoj cxefe de la kursoj en UNAM kaj ankaŭ tre ĝoje kaj entuziasme alvenis kelkaj aliaj samideanoj el Veracruz, Puebla, Toluca, Querétaro kaj Tulancingo.

Circo, Maroma y Radio…, kaj Esperanto en SLP*

La pasintan 16a de novembro David López Rueda, estrarano de Meksika Esperanto Federacio, partoprenis en radioelsendo de la Universitato Aŭtonoma de San Luis Potosí (UASLP), en kiu oni parolis, kompreneble, pri la Internacia Lingvo Esperanto. Dum la elsendo David respondis demandojn, kiujn la radioparolistoj de “Circo, maroma y radio” faris al li rilate al la strukturo de la lingvo, al la ideologio ĉirkaŭ Esperanto kaj al ties uzo nuntempe. Krom tio oni informis ke en la sekvanta semajno oni komencus kurson de Esperanto organizata de la Esperantista Potosinia Klubo. Estas menciinda ke pere de Álvaro Camacho, alia el la klubanoj, ni havis la bonegan ŝancon diskonigi Esperanton en tiu ĉi amaskomunikilo, fakte, ekzistas la eblo denove ĉeesti babiladon, por profundigi en la temon kaj tiel daŭrigi la disvastigadon en SLP.
*Verkita de David López R.

MEF diversflanke partoprenis je "Forumo de Universitataj Fakuloj pri Fremdaj Lingvoj" en UAQ*

Meksika Esperanto-Federacio (MEF) denove partoprenis dum lingvo-kongreso. Inter la 24a kaj la 26a de novembro 2010 en la urbo Querétaro, proks. 200 kilometrojn for de la ĉefurbo, okazis la akademie altkvalita XXIV Forumo de Universitataj Specialistoj pri Fremdaj Lingvoj (FEULE en la hispana) kun la temo “novaj tendencoj, novaj kuntekstoj, novaj retoj de kunlaboro, novaj retoj”. Ĝin ĉeestis ĉirkaŭ 300 fakuloj, inter tiuj, profesoroj de lingvaj fakultatoj de diversaj meksikaj universitatoj.

La evento estis organizita de la Lingva Fakultato de la Universitato Aŭtonoma de Querétaro (UAQ), kie ekde marto 2010 oni lernas Esperanton en liberaj kursoj. La instruistoj estas Sergio Romero A. kaj liaj gelernantoj, Carlos Hernández L. kaj Zyanya O´Neill P.

MEF ne nur havis la okazon fari standon, sed krome ĝi povis kontribui al la programo. Pro bonŝanco ni eĉ dufoje povis kontribui. Ĵaŭde oni subite demandis nin ĉu ni povus prezenti laborgrupon kaj ni jesis (alia planita ne okazis).

De la 22ª ĝis 30ª de novembro 2010, ekspozicio pri pentrado en Centro Cultural Futurama

En la “Centro Cultural Futurama” estos ekspozicio pri pentrado nomata “Dioj, vizaĝoj, lokoj” de la meksika artisto José Cruz Pacheco, kiu okazos inter la 22a kaj 30a de novembro 2010.

Kiel pluraj el vi scias, José Cruz Pacheco estas tiu, kiu ekde la organizado de la 10a Meksika Kongreso de Esperanto, okazinta en la Jura Fakultato de UNAM en junio 2009, kunlaboras kun Meksika Esperanto Federacio farante diversajn desegnaĵojn, kiel la logoo por la 10a MEK kaj belegajn bildojn por nia bulteno “Ni Ĉiuj”.

Gravas mencii ke en tiu semajno la vizitantoj povos rigardi iujn el la bildoj aperintaj en “Ni Ĉiuj”, tiel aŭtomate estos disvastigo de nia “internacia lingvo” en konata galerio de unu el la plej grandaj urboj de la mondo.

Kongreso pri Lingvoj en la Aŭtonoma Universitato de San Luis Potosí, MEF partoprenas!

La 12an kaj 13an de novembro 2010 Meksika Esperanto-Federacio (MEF) partoprenis en la "4a Internacia Kongreso pri la Instruado de Fremda Lingvo kaj Kulturo" en la Aŭtonoma Universitato de San Luis Potosí, kiu okazis en la nova kongresa centro de la universitato (Centro Cultural Universitario Bicentenario). La federacion reprezentis la prezidantino de MEF, Mallely Martínez Mateos, la kasistino, Morayma Martínez Mateos, la estrarano David López Rueda kaj membro Martin Schaeffer. Sur la informstando estis riĉa elekto de originala kaj tradukita literaturo, kiel ekzemple "Sanga Nupto" de Federico García Lorca, "Sonetoj" de Shakespeare, "Lingvo kaj Menso" de Noam Chomsky, "Tra´l okuloj del venkitoj" de Miguel León Portilla (La visión de los vencidos; fame kontata libro en Meksiko), Ĉirkaŭ la mondo en 80 tagoj" de Jules Verne kaj "La infana raso" de William Auld. Diversaj altkvalitaj informfolioj en la angla kaj hispana informis pri la diversaj aspektoj de la lingvo. Pro varbafiŝo sur tripieda haltilo la partoprenantoj jam de malproksime vidis la standon.

95a Universala Kongreso en Havano: La unua fojo estas timiga sed amuza*

Havano urbo, kun suna vetero, nula vento, temperaturo 33ºC kaj relativa humideco 86%, la 17an de julio je la 14a kaj 13 minutoj, ni alvenis al “Palacio de Convenciones”; la bela kongresejo de la 95ª Universala Kongreso de Esperanto. Ni finfine ĉeestus la unuan internacian kongreson, eble pro tio ni iom timetis malgraŭ nia plenemocio, ĉar ni antaŭe ne parolis kun tiom da NE-meksikaj esperantistoj.

Ĉio komenciĝis per la movada foiro, tiam la landaj kaj fakaj asocioj montris sian laboron, disdonis informojn kaj invitis ĉiujn al siaj prelegoj. Je la kazo de Meksika Esperanto Federacio, pluraj naciaj samideanoj kunhelpis la zorgon de la budo, sur kiu troviĝis pluraj ekzempleroj de “Ni ĉiuj”, fotoj kaj informoj pri la agado de nia klubo “Eo-GDL”, tiel kiel flugfolioj kun informoj pri la oficiala instruado de Esperanto en la UABC. Tio estis nur la enkonduko de la UK-oaj ceteraj tagoj, ni ja estis tre feliĉaj kaj avidaj.

Esperanta renkontiĝo en Querétaro: impresoj pri la Ea-klubo kaj la urbo!*

Ĉi tiun semajnfinon mi ekkonis tutfreŝan Esperanto-klubon en la meksika urbo Querétaro. Estis renkontiĝo kiu vere inspiris kaj motivigis min sekvi kun la, kelkfoje, malfacila laboro disvastigi Esperanton.

Vendrede dum la vespero grupo de pli malpli 10 junuloj atendis min en trinkejo en la belega historia centro de Querétaro. Ilia instruisto, Sergio Romero, kiu ankaŭ laboras en la ŝtata universitato kiel profesoro de la portugala lingvo, ekinstruis Esperanton volontule dum la lasta jarkvarono. Li estas tre feliĉa, ĉar finfine li povas paroli Esperanton kun aliaj homoj en la urbo. Mi estis ege surprizita, ĉar la lernantoj vere jam sufiĉe bone parolas por povi babili la tutan nokton en Esperanto pri diversaj temoj.

Dum la nokto ni promenis tra la urbo, estis vendredo kaj multaj homoj estis sur la stratoj. En la placoj okazis koncertoj kaj la trinkejoj estis plenplenaj. Ni manĝis en eta vendejo flanke de la strato kaj mi gustumis meksikajn specialaĵojn kiel ‘tamales’ kaj ‘buñuelos’ kiuj estis bongustegaj! “Tamal” estas miksaĵo de kokino kaj maizo en folio de banano kaj buñuelos estas dolĉaĵo, sed mi ankoraŭ ne divenis la ingrediencojn.

Paĝoj

Subscribe to Aktualaĵoj