Du universalaj lingvoj, koncerto en la “Casa de la Cultura Jalisciense"

Muziko estas universala lingvo, kiu kunigas personojn de la plej malsamaj kulturoj kaj devenoj, same kiel en la kazo de Esperanto. Tiel ke se ambaŭ renkontiĝas samloke, la momento iĝas la plej altgrada esprimo de multkultureco; diverceso kaj unikeco.

Kadre de la 11a Meksika Esperanto Kongreso, Meksika Esperanto Federacio, la germana fondaĵo “Stiftung Mondo” kaj la Ministerio pri Kulturo de la Ŝtato de Jalisco (Halisko) unuigas fortojn por oferti al la ĝenerala publiko specialan kaj nekompareblan koncerton en kiu la etoso iros ekde la melodiaj notoj de la piano kaj de la fagotoj ĝis la sonoj de Rock en la esperanta, hispana, franca, japana, angla, rusa, okcitana, pola, inter aliaj lingvoj, unuigante la miksaĵon de pluraj lingvoj kaj distingante la apartecon de la universalaj lingvoj: “MUZIKO KAJ ESPERANTO”

Dato kaj Loko: 17an de septembro, Casa de la Cultura Jalisciense.
Adreso: Av. Constituyentes #21, Sector Juárez, inter Calzada Independencia kaj 16 de Septiembre. Guadalajara, Jalisco, Meksiko. Antaŭ la parko “Agua Azul”
Horo: De la 17a ĝis la 20a h.
Plia informo: Senkosta eniro
Evento por: Ĝenerala Publiko
Partoprenantoj: José Gabriel Jiménez Rendón (pianisto de la Nacia Lernejo pri Muziko de la UNAM), Armando Hernández Tellez (fagotisto de la Teatro de “Bellas Artes”), Ana Lilia López Díaz (fagotistino de la Nacia Lernejo pri Muziko de la UNAM), Leonardo Jáuregui Soto (kantanto), Jean Marc Leclercq (franca muzikisto, Rock-pop), Les Peatonés (bando de Rock “a gusto” ).

Partoprenu kaj invitu viajn familianojn, amikojn kaj konatulojn!

Categorías: