Mondan Tagon de Instruistoj festos meksikanoj en Querétaro

Okaze de la Monda Tago de Instruistoj, kiun oni festas ĉiun 5an de oktobro laŭ la proklamo de UNESKO en 1994, la Esperantistaj geinstruistoj de Meksiko renkontiĝos venontan sabaton en la urbo Santiago de Querétaro.

Ĉiu homo, kiu instruis, instruas aŭ baldaŭ instruos la Internacian Lingvon estas kore invitataj por kunvivi, kundividi spertojn, montri materialon kaj plani kune strategiojn por plibonigi tiun gravan branĉon de la movado en nia lando.

Dato: sabate la 5an de oktobro 2013.

Horaro: inter la 14a kaj 19a, ne eblas resti pli da tempo en la renkontiĝejo.

Loko: Altamirano #40 norte, Centro de Querétaro. Se vi ne scias kiel alveni, ni renkontiĝos ĉe la “Plaza de Armas” je la 13a:50.

Kotizo por luado de seĝoj, tabloj, manĝo kaj trinkaĵoj: $75.00 (sepdek kvin meksikaj pesoj)

Meksika Esperanto Federacio kunportos biskvitojn, kafon kaj teon por la okazaĵo.

Nepras konfirmi vian ĉeeston skribante al informacion@esperanto-mexico.org aŭ vokante al poŝtelefono 442 3851360 plej malfrue ĵaŭde la 3an de oktobro.

Ni invitas aliajn esperanto-instruistojn kaj el Meksiko kaj el eksterlando saluti kaj babileti kun ni inter la 15a kaj 16a per skajpo en la konto meksikaesperantofederacio

BONVENON!

Categorías: