Renkontiĝoj - Naciaj

Festu kun ni la Z-Tagon en la ĉefurbo de Meksiko, 15an de decembro*

Meksika Esperanto Federacio kaj klubanoj de la ĉefurbo de la lando invitas ĉiujn esperanto-parolantojn, lernantojn, komencantojn kaj homojn, kiuj interesiĝas pri la lingvo al la tradicia “Zamenhofa tago” “Tago de la Libro”, kiu okazos dimanĉe la 15an de decembro je la 12ah. en la “Esperanta Domo”, kiu troviĝas en San Pedro de los Pinos, Ĉefurbo de Meksiko.

Ni aĉetis manĝoservon por kune manĝi je la 14a:00h. Tio konsistos el:

- Trinkaĵo farita per citrono kaj semo nomata “Chía” (salvia hispanica).

- Takoj kun diversaj manĝaĵoj: rizo, fazeoloj, kokaĵo en saŭco nomata “mole”, kapsikopecoj kun kremo, tipa porkaĵo el la sudo de la lando nomata “cochinita pibil”, bovaĵo kun cepo kaj papriko.

- Kuko.

Notu bone! Se vi estas vegetarano aŭ vegano, bv. informi tion al ni por kunporti specialajn manĝaĵojn por vi.

La kosto por ĉiu homo estos sekva:

Querétaro invitas vin al Zamenhof-posada!*

Jam tradicie Esperétaro organizas renkontiĝon por festi la datrevenon de Zamenhof kaj ĉi-jare tio ne estos malsimile.

Venu al la domo de Sergio en sabato, la 14an de decembro je la 19a horo. La adreso estas:

Santa Catalina #715,

Santa Mónica 2da. Sección

Querétaro.

Se vi planas partopreni, endas antaŭe telefoni aŭ sendi mesaĝon al 4423525330 por kunakordi pri tio, kion vi kunportos por kune vespermanĝi. Aliteme dezirindas kostumiĝi kiel la kreinto de Esperanto. La plej bone kostumita ricevos senpagan aliĝon al Meksika Esperanto Federacio por la jaro 2020 kaj interesan E-libron.  

Ĉu duboj? Skribu al queretaro@esperanto-mexico.org aŭ sendu mesaĝon al la supra poŝtelefonnumero.

Ni atendas vin por kune mojosiĝi!!

* Organizas: Anoj de la klubo Esperétaro.

Renkontiĝo en Mérida, 8an de decembro 13ah.

Ni invitas ĉiujn komencantojn, parolantojn de Esperanto kaj homojn, kiuj interesiĝas pri interkultura komunikado al renkontiĝo, kiu okazos sude la lando, en Mérida, Yucatán.

La rendevuo estas en dimanĉo, la 8an de decembro je la 13a horo en la restoracio “Bistro Cultural”, kiu troviĝas en:

Calle 66 #377 x 41 kaj 43

Centro

Mérida, Yucatán

Profitu la eblon praktiki la lingvon, ekscii pri novaĵoj, kiuj okazas en Esperantujo nacie kaj internacie, ankaŭ vi povos aĉeti librojn en aŭ pri Esperanto, ĉar ni kunportos kelkajn, tamen se vi interesiĝas pri io specifa, skribu al ni mesaĝon por antaŭmendi materialon.

Se la ĉeestontoj tion decidas, post la tagmanĝo ni povos promeni en la centron de la urbo aŭ viziti alian interesan lokon.

Ĉu vi havas demandojn, dubojn? Bv. skribi al estraro@esperanto-mexico.org aŭ sendi mesaĝon al 55147 53963

Konversacia rondo en CDMX, 8an de decembro*

Ne kredeble! Ni alvenis al la lasta monato de la jaro kaj ni senĉese renkontiĝis en 2019 por lerni pli pri la lingvo, praktiki ĝin, kunvivi, plifortigi nian grupon kaj ĝian celon.

Ĉu vi akompanos nin ankaŭ ĉifoje? La rendevuo estas en dimanĉo, la 8an de decembro je la 16ah. en la kutima renkontiĝejo; rapida manĝaĵareo de “Plaza Galerías de las Estrellas”, kiu troviĝas en: Circuito interior #193, col. Verónica Anzures.

La evento estas senpaga kaj eblas kunporti aŭ tie aĉeti manĝaĵojn kaj trinkaĵojn. Ĉu vi estas komencanto? Venu! Ni helpas vin paroli, perdi la timon kaj integriĝi al la grupo, bonvenas ankaŭ interesuloj kaj akompanantoj.

Ĉu demandoj, duboj? Do sendu mesaĝon al estraro@esperanto-mexico.org aŭ al 55 4811 5744

Nia rendevuo en Cholula estas la 24an de novembro*

Cholula iĝis tre ŝatata renkontiĝloko de la klubanoj de Puebla, tial ni decidis ripeti la sperton de pasintaj fojoj do, en dimanĉo la 24an de novembro, ni revidos nin samhore (je la 14ah.) kaj samloke (Parque Soria

La adreso estas: Calle 3 Ote. Cholula, Puebla.

Trovu nin proksime de la elirejo de la piramidmuzeo por decidi tie kien iri kaj kion fari. ĈIUJ estas invitataj… Venu kaj praktiku Esperanton kun ni en tre amikema etoso, speciale komencantoj estos tre bonvenaj!

Parolu en esperanto kun ni la 10an de novembro en CDMX!*

Ne forgesu ke venontan semajnon ni okazigos nian konversacian rondon en la ĉefurbo de la lando. Ni renkontiĝos dimanĉe, la 10an de novembro, je la 16ah. kiel kutime en la rapida manĝaĵareo de “Plaza Galerías de las Estrellas” kies adreso estas:

Circuito interior #193

Col. Verónica Anzures

Ĉefurbo de Meksiko

Akompanu nin! ĉiuj estas invitataj kaj ni tre ĝojas ke ofte venas novaj homoj al niaj rondoj por praktiki la lingvon. La evento estas senpaga kaj eblas kunporti aŭ tie aĉeti manĝaĵojn kaj trinkaĵojn.

Kaj memoru ke meze de decembro ni okazigos la Zamenhofan tagon, pliajn informojn ni publikigos baldaŭ en la ttt kaj sociaj retejoj de la asocio. Estu atentaj kaj BONVENON!

Organizas: MEF. Respondecas: Araceli Aguilar. Bildo: Gabriel Zúñiga.

Praktiku Esperanton, promenu, manĝu kun ni en Cholula, 27an de oktobro*

Ĉu vi ne havis la eblon pasintmonate ĝui kun ni tempon en parko de Cholula? Do ne zorgu, ni ripetos la sperton ĉioktobre, ni promenos, kune manĝos tradiciajn manĵaĝojn kaj, kompreneble, praktikos Esperanton en tre amikema etoso.

Do ni vidos nin samloke (Parque Soria) kaj samhore (je la 14ah) en dimanĉo la 27an de oktobro. La adreso estas:

Calle 3 Ote. Cholula, Puebla.

Trovu nin proksime de la elirejo de la piramidmuzeo por de tie eki la promenadon. ĈIUJ estas invitataj, fluaj parolantoj de la lingvo, komencintoj, komencantoj, eĉ akompanantoj kaj kuriozemuloj. Profitu la ŝancon praktiki la lingvon kaj integriĝi al nia grupo.

Ĉu vi volas havi pli da informoj aŭ havas dubojn? Bv. skribi al estraro@esperanto-mexico.org

* Respondecas: Iván Deance, ano de Esperanto-Puebla.

 

Praktiku Esperanton en CDMX, 13an de oktobro*

Kaj tiel la tempo kuras kaj kuradas, fine ni venis al la lasta triono de la jaro kaj ni tre ĝojas renkonti vin baldaŭ. Ĉu vi demandas vin kiam? Kiel ĉiam! la duan dimanĉon de la monato, do la oktobra estos en la 13a je la 16ah. en rapida manĝaĵareo de “Plaza Galerías de las Estrellas”:

Circuito interior #193

Col. Verónica Anzures

Ĉefurbo de Meksiko

Venu!, ne gravas ĉu vi estas komencanto, ni helpos vin forigi dubojn. Memoru ke nur per la praktiko kaj farante erarojn, oni povas plibonigi la lingvan nivelon.

Notu ke la evento estas senpaga sed eblas kunporti aŭ tie aĉeti manĝaĵojn kaj trinkaĵojn.

Demandoj, duboj? Do sendu mesaĝon al estraro@esperanto-mexico.org aŭ al 55 4811 5744

ĜIS TIAM!!!

Ni vizitos parkon en Cholula, 29an de septembro, 14ah.*

Kadre de nia monata renkontĝo en Puebla, ni organizis viziton al bela loko en Cholula, nome Parque Soria”, kiu troviĝas en:

Calle 3 Ote. Cholula, Puebla.

Ni renkontiĝos dimanĉe, la 29an de septembro je la 14ahproksime de la elirejo de la piramidmuzeo. ĈIUJ estas invitataj, fluaj parolantoj de la lingvo, komencintoj, komencantoj, eĉ akompanantoj kaj kuriozemuloj. Profitu la ŝancon renkontiĝi kun amikoj, lerni, praktiki la lingvon kaj integriĝi al nia grupo.

Konversacia rondo en la ĉefurbo de Meksiko, 8an de septembro*

Saluuuton! Ĉu vi jam skribis sur via agendo ke dimanĉe, en la 8a de septembro je la 16ah. vi havas rendevuon kun ni por praktiki Esperanton? Bone!!! Memoru ke ni renkontiĝos ĉe la kutima loko: rapida manĝaĵareo de “Plaza Galerías de las Estrellas”, kiu troviĝas en:

Circuito interior #193

Col. Verónica Anzures

Ĉefurbo de Meksiko

Ne perdu la ŝancon plibonigi vian lingvan nivelon kaj amikiĝi kun interesaj, amikemaj kaj iom frenezaj homoj.

Akompanu nin, ne gravas ĉu vi estas komencanto, ni helpos vin forigi dubojn.

Notu ke la evento mem estas senpaga tamen eblas tie aĉeti manĝaĵojn kaj trinkaĵojn.

Demandoj, duboj? Do sendu mesaĝon al estraro@esperanto-mexico.org aŭ al 55 4811 5744

PARTOPRENU!!!

Partoprenu en nia monata renkontiĝo en GDL, 6an de septembro*

La klubo Esperanto GDL invitas vin al sia venonta renkontiĝo, kiu okazos en vendredo, la 6an de septembro je la 19ah. en "Café Libertad", kies adreso estas: Libertad 1939, stratangulo kun Progreso, Guadalajara, Jalisco.

Por havi pliajn informojn kaj starigi demandojn, bv. iri al la Facebook-grupo de Esperanto GDL, https://www.facebook.com/events/2258177441123923/ aŭ skribu telefonan mesaĝon al 33 1866 8830.

Ne perdu la ŝancon praktiki esperanton vizaĝ’ al vizaĝ’ en juneca, mojosa, entuziasma kaj amikema etoso, novaj partoprenantoj, eĉ se komencantoj kaj aŭ interesitoj, ĉiam estas bonvenaj!

Venu kaj integriĝu al nia teamo!

* Organizas: Esperanto-GDL.

 

Jes, ja! Paralela Universo en la CDMX, 17an de aŭgusto 11ah.*

Homoj de la ĉefurbo de Meksiko (CDMX) pretas partopreni en Paralela Universo, renkontiĝi, lerni, amuziĝi, kunvivi kaj videbligi la internacian lingvon “ESPERANTO”.

Akompanu nin en sabato, la 17an de aŭgusto je la 11ah. La rendevuo estos en la infanareo de “Parque Hundido”, kiu troviĝas en Av. Insurgentes Sur s/n, Extremadura Insurgentes, Benito Juárez, CP. 03740, ĉefurbo de Meksiko.

Ni planas kunvivi tie dum pluraj horoj, ĝis la 18ah., ni komunikiĝos rete/telefone kun aliaj grupoj de la lando kaj, se eblas, de diversaj lokoj de la mondo.

Venu kun viaj amikoj, familianoj, konatuloj. Kiel ĉiam ni estos malfermaj al la publiko. Se vi havas demandojn, bonvole iru al la eventa paĝo de Facebook, kiu troviĝas en la sekva ligo: https://www.facebook.com/events/2331036370319991/ , tie ankaŭ konfirmu ĉeeston. Ĉiel ajn eblas komunikiĝi per telefona mesaĝo al 5548 115744 / 5566741733

BONVENON!

* Organizas: esperanta teamo de la ĉefurbo de Meksiko kaj MEF.

 

Alvenis tempo por praktiki Esperanton en CDMX, 11an de aŭgusto*

Ne forgesu nian rendevuon en la venonta dimanĉo, la 11an de aŭgusto je la 16ah. Ni renkontiĝos en la rapida manĝaĵareo de “Plaza Galerías de las estrellas”, kiu troviĝas en Circuito interior 193, col. Verónica Anzures en la ĉefurbo de Meksiko. La plej proksima metrostacio estas "Normal", kiu apartenas al la blua linio #2.

Venu kaj invitu viajn amikojn kaj konatulojn, ni praktiku kaj ĝuu la efikecon de tia ĉi komunikilo, tamen ne zorgu se vi ankoraŭ ne parolas la lingvon, se vi estas komencanto aŭ se vi kapablas diri nur “saluton”. Ĉiuj ni iam estis kiel vi, sed nur parolante kaj erarante oni povos lerni, ni helpos vin!

La evento estas senpaga kaj eblas tie konsumi manĝaĵojn. Tiu ĉi renkontiĝo estos enkonduko por partopreni “Paralela Universo”, ĉu en la ĉefurbo aŭ en aliaj de la lando. Iru al la sekva ligo, kie troviĝas la listo de tiaj eventoj: https://www.facebook.com/pg/paralelauniverso/events/

Kompreneble Esperanto-GDL ne mankos en Paralela Universo*

Lastatempe pli malpli ofte ni renkontiĝas, sed ĉu ne estas vero ke la tempo pasas rapidege kiam ni estas kune? Ĉu ne estas vero ke kiam ni palpebrumis, ni jam devas adiaŭi? Do ni havas bonan novaĵon: Esperanto-GDL partoprenos en la internacia amasa renkontiĝo nomata “Paralela Universo”, tio signifas ke ni kunvivados kelkajn horojn en sabato, la 17an de aŭgusto.

La propronita programo estas la sekva:

Je la 13ah. ni renkontiĝos en la kafejo “Café Libertad”, kies adreso estas:

Paralela Universo en Querétaro: Esperanto, geamikoj kaj bona etoso*

Paralela Universo, la esperantista, tradicia evento en diversaj partoj de la mondo estas ja nuntempe ankaŭ parto de la tradicio de la klubo Esperétaro :D.

Ĉiuj, kiuj interesiĝas praktiki la lingvon, koni tre mojosajn homojn kaj pasigi bonan tempon ene de Esperantujo estas bonvenaj renkontiĝi kun ni, promeni tra la urbo, trinki bieron kaj tagmanĝi bongustege en “La pequeña Guelatao”, bona restoracio, kiu troviĝas en la centro de la urbo.

Dato, horo kaj renkontiĝloko: sabate, la 17an de aŭgusto je la 13ah. ĉe la hunda fontano de “Plaza de Armas”, en la centro de Querétaro.

Ĉu duboj, demandoj? Skribu en la evento de Facebook, kiu troviĝas en: https://www.facebook.com/events/2119885478097422/ aŭ sendu mesaĝon al iu de la sekvaj poŝtelefonnumeroj: 442 352 5330 / 442 669 0539.

Ni vidos vin tie, ĈU NE?

Paĝoj

Subscribe to Renkontiĝoj - Naciaj