Renkontiĝoj - Naciaj

la 3an de oktobro, renkontiĝo de Esperantistoj en la centro de Meksikurbo

La esperanta grupo de Meksikurbo kaj sia Metropola Zono invitas ĉiujn interesulojn al nia renkontiĝo, kiu okazos la venontan sabaton, la 3an de oktobro 2009, je la 13:30h. en la restoracio nomata “México lindo y bohemio”; ĝi estas proksime de la metrostacio “Juárez”, kiu apartenas al la linio 3 Indios Verdes – Universidad. Ankaux proksime, sur Independencia, troviĝias la teatro “Metropólitan”

Esperanto-renkontiĝo en Guadalajara, 26.09.2009, 16.00 - 18.30 h


Esperanto-Renkontiĝo +VI! Ĉar Esperanto estas tre amuza!
Dato: Sabato, 26a de septembro 2009, Tempo: 4:00 ptm – 6:30 ptm.
Loko: Vartejo "Cuauhtemoc", Strato: Juan Zubaran No. 2294, Urbo: Gvadalaharo, Meksiko.

Ni rigardos la filmon "Krepusko" kun subtitoloj en Esperanto. La filmo daŭras preskaŭ 2 horojn. Bonvolu esti akurataj, tiel, vi spektos la filmon tute.

Eta renkontiĝo en Meksikurbo

Somera Esperantokurso en la Ĥemia Fakultato, UNAMSomera Esperantokurso en la Ĥemia Fakultato, UNAM

La partoprenantoj de la nuna somera kurso de Esperanto en la Ĥemia Fakultato dezirante koni pli da esperanto-parolantoj invitas al la samideanoj, kiuj loĝas en aŭ proksime de Meksikurbo renkontiĝi por tagmanĝi en la jam konata restoracio Fernando's, kiu troviĝas en:

Miguel Angel de Quevedo No. 99
Col. Chimalistac

Ĝi estas tre proksime de la metrostacio M. A. de Quevedo.

Ni atendas vin ĉi-vendrede, 3an de julio, post la 14a horo por tagmanĝi aŭ kafumi, babili kaj havi tre agrablan tempon.

Bonvolu konfirmi vian ĉeeston sendante retpoŝtmesaĝon al dancxjo_m ĉe yahoo.com
aŭ telefonu al 55-2342-9932

Partoprenu, ĝuu, kaj kuraĝigu la novajn esperantistojn!

10a Meksika Esperanto Kongreso en la Jura Fakultato de la UNAM; inter la 18ª kaj 21ª de junio 2009*

10a MEK-Logo10a MEK-Logo La 10ª Nacia Kongreso de Esperanto en Meksiko, kies temo estas: "Lingvistika diverseco en Meksiko: fundamenta parto de ĝia kulturo", okazos inter la 18ª kaj la 21ª de junio ĉi-jare, kies sidejo estos la Sekcio de Postdiplomitaj Studoj de la Jura Fakultato de la Universitato Nacia Autonoma de Meksiko (UNAM), kiu estas unu el la plej gravaj institucioj pri Supera Edukado kaj Postdiplomigo en Latinoameriko kaj kiu ankaǔ avangardas en la scienca esplorado pri ĝia fako.

Cetere, kaj pro diversaj elspezoj bezonataj por la organizado de tiel granda evento kiel ĉi tiu, ekzemple la loĝistiko, administrado, subteno al prelegantoj, inter aliaj; la estraranoj de la Meksika Esperanto Federacio (MEF), interkonsentis kelkaj tagoj antaŭe ke oni petos al ĝiaj membroj, kiuj volas partopreni la kongreson, pagon da $300.00 (tricent meksikajn pesojn).

Archivo: 
KunsendaĵoGrandeco
Alighilo 10a MEK kaj Seminario.pdf165.75 KB
10 MEK Hotelinformoj.pdf176.46 KB
kotiztabelo.pdf54.61 KB

Venonta Esperanta renkontiĝo en Distrito Federal, la 23an de majo

La esperanta grupo de Meksikurbo kaj sia Metropola Zono invitas ĉiujn interesulojn al nia renkontiĝo, kiu okazos la venontan sabaton, la 23an de majo 2009, je la 13:30h. en la restoracio nomata “Fernando’s”; ĝi estas pli malpli je 50 metroj for de la metrostacio “Miguel Ángel de Quevedo”, kiu apartenas al la linio 3; Indios Verdes – Universidad.

Adreso:
Miguel A. de Quevedo No. 99
Col. Chimalistac.

Semajnfina renkontiĝo en Monterrey, Nuevo León; 18a kaj 19a de aprilo*

GRUPO DE ESPERANTO-MONTERREY KAJ LA MEKSIKA ESPERANTO FEDERACIO invitas vin:
Al la kvina semajnfina renkontiĝo esperantista en Meksiko, kiu okazos la 18an kaj 19an de aprilo 2009 en Monterrey, Nuevo León.

Okazos diversaj aferoj, ĉu por interesuloj, komencantoj, komencintoj kaj spertuloj, kiuj parolas flue la lingvon.

La renkontiĝo ekos sabate je al 11a kaj finos dimanĉe post la turista promenado.
Jen listo de aktivaĵoj proponitaj por fari:

Esperanta Semajnfino en Guadalajara, Jalisco. 28an de februaro kaj 1an de marto*

LA ESPERANTO-GRUPO GUADALAJARA KAJ MEKSIKA ESPERANTO FEDERACIO afable invitas vin;
Al la kvara Esperanta semajnfino en Meksiko, kiu okazos la 28an de februaro kaj 1an de marto 2009 en Guadalara, Jalisco. Ni havos diversajn, interesajn kaj amuzajn aktivecojn!

KIEL ATINGI GUADALAJARAN?
1) Per aŭtobuso el Distrito Federal, ellirate de la stacidomo "Central del Norte", inter 7 kaj 9 horojn kaj kvarono, depende da la aŭtobusenterpreno. Unudirekta prezo (en meksikaj pesoj); inter $435.00 kaj $500.00

Venontaj renkontiĝoj de la Esperanto-grupo de Monterrey / 10a de januaro, 7a de februaro kaj 7 de marto 2009

La Esperanto-grupo de Monterrey invitas ĉiujn geesperantistojn kaj interesulojn al la venontaj kunvenoj, kiuj okazos la 10an de januaro, 7an de februaro kaj 7an de marto je la 17 horo en la kafejo “Ciudad de los ángeles”, kiu troviĝas en José Mariano Abasolo #916 oriente, en la centro, “barrio antiguo” de Monterrey.

Venu kaj renkontu novajn geamikojn, praktiku kaj lernu pli pri la esperanta lingvo! Ni atendas vin!

Se vi volas pliajn informojn kontaktu al Denice Maldonado Valverde al la poŝtelefono (045) 81 10 777355 aŭ skribu al monterrey@esperanto-mexico.org

Ver mapa más grande

 

Ni festu la Zamenhofan tagon

La Meksika Esperanto-Federacio invitas vin varme festi kun ni la tradician “Zamenhof-tago”, la 14an de decembro 2008 je la 10ª matene ĉe la restoracio “Madero” kiu troviĝas sur la strato Madero 36 ĉe la stratangulo Motolinia, Col. Centro, en Meksikurbo, proksime de la metrostacio Allende, linio 2, la blua. Vidu la Mapon:

Ni matenmanĝos en la supra parto de la restoracio, la kosto de la matenmanĝo estas $70.00 (sepdek pesoj) por ĉiu persono kaj inkluzivas;

- kafo, suko, fruktoj aŭ jahurto, peco da dolĉa pano kaj vi povas elekti unu el la tri sekvaj manĝaĵoj;

  • rostita bisteko kun “chilaquiles” aŭ kun frititaj terpomoj,
  • “Chilaquiles” kun ovo aŭ kun kokaĵo,
  • Frititaj ovoj kun lardo aŭ ŝinko.

Bv. aldoni la trinkmonon aparte

Atenton!!! Nepre gravas konfirmi la ĉeeston antaŭ la 11ª de decembro!!! Nur en tiu kazo ni povas rezervi lokon por vi ĉe la komuna etaĝo. Anoncu vian ĉeeston poŝtelefone aŭ rete: 044 / 045 5514753963, nayitamtmt@hotmail.com

La Esperanto-grupo de Monterrey okazigos sian duan kunvenon

La Esperanto-grupo de Monterrey invitas ĉiujn geesperantistojn kaj interesulojn al nia dua kunveno, kiu okazos la 6ª de decembro je la 17 horo en la kafejo “Café de ángeles”, kiu troviĝas en José Mariano Abasolo #916 oriente, en la centro, “barrio antiguo” de Monterrey. Venu kaj renkontu novajn geamikojn, praktiku kaj lernu pli pri la esperanta lingvo! Ni atendas vin! Se vi volas pliajn informojn kontaktu al Denice Maldonado Valverde al la poŝtelefono (045) 81 10 777355 aŭ skribu al monterrey@esperanto-mexico.org

Ni konu nian belan urbon kaj praktiku esperanton, venonta renkontiĝo en Meksikurbo

La esperanta grupo de Meksikurbo kaj sia Metropola Zono invitas ĉiujn interesulojn al nia venonta renkontiĝo, kiu okazos la venontan sabaton, la 15an de novembro de 2008, en tre speciala loko de Meksikurbo.

Dum du horoj ni iros tra la kanaloj de Xochimilco, ni ekboatos de la enŝipejo “Nuevo Nativitas” sur iu tradicia transportilo (trajinera), kiu estos speciale ornamita por ni. Vi povas havi pli da informoj pri Xochimilco kaj siaj enŝipejoj je la sekva ligo http://www.xochimilco.df.gob.mx/turismo/embarcaderos.html/

Ni vidos nin antaŭ la stando de “turisma informo” del Embarcadero je la 14ª horo. La kosto por ĉiu persono estas $30.00 (tri dek meksikaj pesoj) kiu inklusivas la vojaĝo en ornamita boato “trajinera” kun la nomo “ESPERANTO”. Dum la vojaĝo eblas aĉeti kaj manĝi tradician manĝaĵon de la regiono kontraŭ bonaj prezoj.

Estas loko nur por 20 personoj, pro tio ni petas vin speciale konfirmi vian ĉeeston!!! antaŭ la 13a de novembro al la retadreso nayitamtmt@hotmail.com aŭ al la poŝtelefono 5514753963, krome estas grava ke se vi konfirmas reale iru ĉar, alikaze, ni blokos lokojn, kiujn oni ne uzos kaj ni neus la ĉeeston de aliaj, ankaŭ la organizantoj devus pagi la kromajn kostojn. Venu akurate ĉar ni jam faris rezervon.

Adreso de la enŝipejo “Embarcadero Nuevo Nativitas”
Camino Xochimilco Tulyehualco
Col. Pueblo Sta. María Nativitas Zacapa
Del. Xochimilco
C.P. 16790

Esperanto-Renkontiĝo en Monterrey, 1a de novembro 2008

Se vi vivas en la urbo de Monterrey, Nuevo León, aŭ en la proksimeco, ni invitas vin kore al la unua renkontiĝo de Esperantistoj de tiu parto de la lando. Ne gravas ĉu vi jam parolas Esperanton, ĉu vi estas komencanto aŭ ĉu vi nur volas havi pliajn informojn pri la lingvo.
La ĉefa kaŭzo de la renkontiĝo estas formi Esperanto-grupon en Monterrey. La renkontiĝo estos je la 1a de novembro 2008 je la 17a horo en la kafejo de la librovendejo Gandhi, kiu troviĝas en la Av. Hidalgo 1171 Pte, Col. Centro, Monterrey. La librovendejo estas ĉe la stratangulo inter Av. Hidalgo kaj Martín Zavala Sur, du stratojn for de Av. Venustiano Carranza Sur.

Se vi volas pliajn informojn kontaktu al Denice Maldonado Valverde: Poŝtelefono: (045) 81 10 777355

 

 

Esperanto-Renkontiĝo en la urbo de Meksiko / 4a de oktobro 2008

Jen informoj pri nia venonta renkontiĝo en Meksikurbo, la invito estas por ĉiuj; interesitoj, komencantoj, mefanoj, ne mefanoj, ktp. Ni parolos pri interesaj temoj, inter ili naciaj kaj internaciaj kongresoj kaj la eblo formi esperantan grupon en Meksiburbo kaj sia metropola zono. Tre verŝajne ni ankaŭ povos bonvenigi al Leonardo Ruiz, gasto el Usono (kiu tamen naskiĝis en Kolombio).

Ni ĝojus vidi vin la 4an de oktobro, je la 13:30 horo en la vegetara restoracio “Monte Kailas”, la adreso estas; Filosofía y Letras 17, Col. Copilco Universidad, ĝi troviĝas proksime de la metroo Copilco (la linio 3, verda).

10a Meksika Esperanto-Kongreso

Jam estas planoj pri la organizo de la 10a Meksika Esperanto-Kongreso. Luis Córdova demandis al la direktoro de la jura fakultato de la UNAM ĉu ni ricevos la rajton okazigi la 10an Meksikan Esperanto-Kongreson tie. Li ricevis jesan respondon, do la 10a Meksika Esperanto-Kongreso plej verŝajne okazos en la UNAM. Antaŭvidita estas tempo en junio 2009 (plej verŝajne inter la 19a kaj 21a de junio).

Paĝoj

Subscribe to Renkontiĝoj - Naciaj