Renkontiĝoj - Naciaj

Venu al nia renkontiĝo en la Tregua, sabate la 9an de aprilo, 16h.*

Tiom rapide pasis la monato!!! Sed ĉio havas avantaĝojn ĉar tre baldaŭ ni povos revidi nin en la Tregua por praktiki Esperanton, amikiĝi, amuziĝi, ludi, ktp. 

Ne forgesu ke la kunvenon ni okazigos la venontan sabaton, la 9an de aprilo kiel kutime je la 16a horo en “La Tregua” ĉefurbe de la lando. La kafejo “la Tregua” estas en: Calz. México-Tacuba 409. Col. Popotla, tre proksime de la metroo “Popotla”.

La ĉefa temo de la kunveno estos “Cervantes kaj Ŝekspiro”, kial? Ĉar en tiu ĉi monato, pli precize la 23an, ni festas la Tagon de la libro, kiu devenas de la forpaso en tiu tago, sed de 1616, de tiuj du grandaj verkistoj. Kompreneble ni ankaŭ parolos pri aliaj interesaj temoj, kiujn vi mem povas proponi.

Sabate, la 12an de marto ni okazigos konversacian rondon en la Ĉefurbo de Meksiko*

Certe vi jam skribis sur via agendo ke ni renkontiĝos sabate, la 12an de marto en la kafejo “La Tregua” ĉefurbe de la lando.

Kie? Memoru ke la adreso de “La Tregua” estas: Calz. México-Tacuba 409. Col. Popotla, tre proksime de la metroo “Popotla”.

Kiam? La 12an de marto, kiel ĉiam je la 16a horo.

Kiuj? Ĉiuj rajtas partopreni.

Kiom? Vi nur devas pagi tion, kion vi mendos en la kafejo.

Kial? Por praktiki Esperanton, amiziĝi kaj amikiĝi kun diversaj homoj.

Kio? La ĉefa temo de la renkontiĝo estos “La feliĉo”, tamen ni ankaŭ parolos pri aliaj interesaj temoj, kiujn vi mem povas proponi.

Sabate, en la 13a de februaro venu praktiki Esperanton en DF.*

Ne forgesu ke en sabato, la 13an de februaro estos nia konversacia rondo en la Ĉefurbo de la lando.

Kie? En la kafejoLa Tregua”, kiu troviĝas en Calzada México-Tacuba 409. Col. Popotla, tre proksime de la metroo “Popotla”, blua linio.

Kiam? En la 13a de februaro je la 16a horo.

Kiuj? Ĉiuj rajtas partopreni: kaj esperantoparolantoj, komencantoj kaj interesitoj je la lingvo internacia.

Kiom? Vi nur devas pagi vian konsumon en la kafejo.

Kial? Por praktiki Esperanton kaj koni novajn parolantojn de la lingvo.

Konversaciaj rondoj en DF, la 9an de januaro estos la unua de 2016!*

Komeiĝas la jaro 2016 kaj ni volas helpi vin eki aŭ plulerni Esperanton, kiel? Praktikante parole en la konversaciaj rondoj okazontaj en la Ĉefurbo de Meksiko dum ĉiu monato de la jaro.

La horo kaj loko estas fiksitaj; je la 16ah en la kafejo “La Tregua”, kies adreso estas:

Calzada México-Tacuba 409. Col. Popotla, tre proksime de la metroo “Popotla”, blua linio.

Kiel en la pasinteco, ni klopodos ke en ĉiu renkontiĝo estu specifa(j) temo(j). Kompreneble ni ankaŭ ludos kaj parolos pri la Esperanta movado.

Ĉimonate ni vidos nin en la venonta sabato, la 9an de januaro kaj parolos pri:

Dua malkongreso ĉe tendaro, inter la 14a kaj 16a de novembro*

La dua Meksika Malkongreso, organizita de Meksika Esperanto Junularo (MEJ) kaj Meksika Esperanto Federacio (MEF), okazos ĉe varmakva laguno kaj inter tendoj, ĉe fajrejo, per bombonoj kaj amuziĝo. La oficiala eko estos sabate, en la 14a de novembro kaj la fino lunde, en la 16a sed vi ja povus veni ekde vendrede.

Jam la duan fojon tiun ĉi eventon ni celebras en la sama loko, kie oni multe ĝuas kaj amuziĝas. Ni esperas ke vi ĉiuj venu kaj ĝuu la naturon kaj la relaksiĝon de la Malkongreso de Esperanto. Okazo por ripozi kaj esti trankvila, ankaū por praktiki la lingvon.

Invitu ĉiujn viajn E-konatojn kaj instigu vin veni!!

Ne necesas preni tendojn nek matracon, ĉe la lago oni ludonas ĉiujn necesaĵojn. Nur prenu vian monujon, vian banveston kaj vian kameraon, ĉar ĉi tiu estos tiom bona sperto ke vi neniel volos perdi unu solan momenton!

Ni parolu Esperante pri la internacia lingvo, 14an de novembro en la Ĉefurbo de Meksiko*

La konversacia rondo de novembro en la Ĉefurbo de Meksiko estos sabate, la 14an, kiel ĉiam, je la 16ahr. Kiel vi scias, ni vidos nin en la kafejo “La Tregua”.

Calzada México-Tacuba 409

Col. Popotla, tre proksime de la metroo “Popotla”, blua linio.

Via rendevuo kun Esperanto estas la 17an de oktobro en la Ĉefurbo de Meksiko*

Memoru ke sabate, la 17an de oktobro je la 16ah., vi havas rendevuon kun ni por praktiki Esperanton. Kiel kutime, ni vidos nin en la kafejo “La Tregua”.

Calzada México-Tacuba 409

Col. Popotla, tre proksime de la metroo “Popotla”, blua linio.

Venu, konu novajn esperantoparolantojn, revidu geamikojn, ludu, amuziĝu, disvastigu la internacian lingvon kaj plibonigu vian lingvan nivelon!

La ĉefa temo de tiu ĉi renkontiĝo rilatos ĉefe kun esperanta gramatikero, kiu dolorigas la kapon de pluraj hispanparolantoj… efektive!! “LA AKUZATIVO”:

Kompreneble, la celo ne estas ke vi kunportu pilolojn kontraŭ kapdoloro por elteni la kunvenon, sed ke vi amikiĝu kun la tiel nomata “N”.

Venu al la meksika festo en Guadalajara, 16an de septembro*

Kiam?: la 16an de septembro, je la 19ah.

Kie?: Ĉe Edgar kaj Ulises en la kvartalo Moderna, Guadalajara, Jal.

Nepras konfirmi vian ĉeeston ĉe Facebook: https://www.facebook.com/events/955650844477061/

Ni meksikumos kaj profitos festi la naskiĝtagon de Kati!

Festu kun ni la meksikan sendependencon! La sendependenc-tago estas la plej grava nacia festo en Meksiko. Oni fiere festas nian landon kaj ĝiajn kutimojn kaj tradiciojn tamen por ni tiu estas iel preteksto por renkontiĝi kaj esperantumi.

La manĝaĵo estas ege grava en iu ajn festo, pro tio ni manĝos tradiciajn pladojn: takojn kaj pozole-on. Se vi estas vegetarano bv. komenti tion ĉe Facebook-a paĝo, ni kunportos ankaŭ vegetarajn takojn kaj pozole-on.

19an de septembro, praktiku Esperanton en la Ĉefurbo de Meksiko*

Ne forgesu ke en la venonta 19a de septembro je la 16ah., ni renkontiĝos por praktiki Esperanton. Kiel kutime, la rendevuo estas en la kafejo “La Tregua”.

Calzada México-Tacuba 409

Col. Popotla, tre proksime de la metroo “Popotla”, blua linio.

Venu, konu novajn esperantoparolantojn, revidu geamikojn, ludu, amuziĝu, disvastigu la internacian lingvon kaj plibonigu vian lingvan nivelon!

La ĉefa temo de tiu ĉi renkontiĝo estos “La naturaj katastrofoj kaj la esperantistoj”:

- ni parolos pri la solidareco inter la esperantoparolantoj en tiuj ĉi kazoj, prenante kiel ekzemplojn la tertemojn de Haitio en 2010 kaj de Nepalo ĉijare.

- ni babilos pri konto Espero de UEA, kiu helpas esperantistajn viktimojn de militoj kaj naturaj katastrofoj,

- kaj kompreneble ni rememoros la tertremon okazinta en Meksiko en 1985.

Ĉeestu nian konversacian rondon en DF, 18an de julio je la 16ah.*

Sabate, la 18an de julio je la 16ah estos nia konversacia rondo en la kafejo “La Tregua”. Venu por praktiki la internacian lingvon, koni novajn esperantoparolantojn, revidi geamikojn, ludi, amuziĝi kaj disvastigi Esperanton.

En tiu ĉi fojo:

- Ni adiaŭos esperantistojn, kiuj partoprenos en la 100a UK en Lille (Francio).

- Ni prezentos pupojn (meksikajn kaj esperantistajn), kiuj partoprenos en internacia ekspozicio en Japanio. http://world-dolls-exhibition.org/index.php/collection-en-2/

- Venos la dancistino kun rozkolora robo de la kurso https://youtu.be/KNP6zEf2jn8

Sabate, la 18an de aprilo je la 16a hr. konversacia klubo en DF*

Jam estas aprilo kaj sabate en la 18a je la 16 horo, ni havos nian monatan kunvenon por konversacii en Esperanto kaj tiel plibonigi nian nivelon, koni novajn homojn kaj disvastigi la ekzistadon de la lingvo, ktp.

Kiel kutime, la rendevuo estos en la kafejo “La Tregua”, kiu estas en Calzada México-Tacuba 409, Col. Popotla, tre proksime de la metrostacio  “Popotla”, blua linio.

Se vi havas dubojn bv. voki al 5540043941.

Ni boatu tra la kanaloj de Xochimilco, dimanĉe 22an de marto*

Ni invitas ĉiujn interesulojn al nia renkontiĝo, kiu okazos la venontan dimanĉon, la 22an de marto, en tre speciala loko de la Ĉefurbo de la lando.

Dum du horoj ni iros tra la kanaloj de Xochimilco, ni ekboatos de la enŝipejo “Nuevo Nativitas” sur iu tradicia transportilo (trajinera). Vi povas havi pli da informoj pri Xochimilco kaj ĝiaj enŝipejoj je la sekva ligo http://www.xochimilco.df.gob.mx/mapa-tur%C3%ADstico.html

Ni vidos nin antaŭ la stando de “turisma informo” del Embarcadero je la 13a horo. La kosto dependas de kiom da personoj partoprenos, sed certe ne estos multe. Dum la vojaĝo eblas aĉeti kaj manĝi tradician manĝaĵon de la regiono kontraŭ bonaj prezoj.

En la kazo ke vi perdiĝos antaŭ la ekveturo, bv. telefoni al poŝtel: 55 50 21 10 77, sed bv. provi veni akurate!!!

Adreso de la enŝipejo “Embarcadero Nuevo Nativitas”
Camino Xochimilco Tulyehualco
Col. Pueblo Sta. María Nativitas Zacapa
Del. Xochimilco
C.P. 16790

La 14an de marto estos nia konversacia renkontiĝo en DF.*

La 14an de marto je la 16ah estos nia tria konversacia renkontiĝo en la kafejo “La Tregua”. Venu por praktiki la internacian lingvon, koni novajn esperantoparolantojn, revidi geamikojn, ludi, amuziĝi kaj disvastigi Esperanton.

La Tregua troviĝas en Calzada México-Tacuba 409, Col. Popotla, tre proksime de la metrostacio “Popotla” de la blua linio.

Se vi havas dubojn, bv. poŝtelefoni al 5540043941.

Ĉu vi volas vidi fotojn de niaj lastaj renkontiĝoj en DF? Do, iru al https://www.facebook.com/media/set/?set=a.794924113921066.1073741833.141509482595869&type=3&uploaded=8#!/media/set/?set=a.794924113921066.1073741833.141509482595869&type=1

Ni atendas vin!

* Verkis: Mallely Martinez. Organizas: Ana Luisa Velasco.

Praktiku Esperanton en DF., sabate, la 21an de februaro*

Venu tiun ĉi sabaton, la 21an de februaro je la 16ah. al la kafejo “La Tregua”, kiu troviĝas en Calzada México-Tacuba 409, Col. Popotla, tre proksime de la metrostacio “Popotla”. En la sekva ligo vi trovos ĉiujn liniojn de la metroo en la ĉefurbo de Meksiko: http://www.metro.df.gob.mx/imagenes/red/redinternet.pdf

En tiu kafejo estas definitaj datoj kaj horaroj por praktiki diversajn lingvojn kaj oni donis al ni la spacon por la tuta jaro, do por daŭre havi la lokon, oni devas partopreni kaj tiel ni samtempe disvastigos Esperanton.

Helpu nin sukcesigi tiun ĉi kaj venontajn ĉi tieajn monatajn renkontiĝojn.

Se vi havas dubojn, bv. poŝtelefoni al 5540043941.

* Verkis: Mallely Martinez. Organizas: Ana Luisa Velásco.

Renkontiĝo kadre de la tago de la amo kaj amikeco*

Kadre de la tago de la amo kaj amikeco, ni invitas vin renkontiĝi en la venonta sabato, la 14an de februaro je la 13ah. en la restoracio “Los vegetarianos del centro”, kiu troviĝas en la strato Madero, en la historia centro de la ĉefurbo, inter Palma kaj Isabel la Católica

La restoracio estas antaŭ la granda kaj konata juvelvendejo “centro joyero”, en la supra parto de la konstruaĵo, do vi devas supreniri ŝtuparon.

La plej proksimaj metrostacioj estas “allende” kaj “zocalo”, blua linio, kiu iras de taxqueña al cuatro caminos.

Kiel ĉiam, ĉiuj pagos siajn manĝaĵojn. Ĉiuj estas invitataj, kaj esperantoparolantoj, komencantoj kaj tiuj, kiuj interesiĝas pri la lingvo.

ESTU BONVENAJ!!!

* Verkita de Mallely Martínez, organizas Edith Ibariaz.

Paĝoj

Subscribe to Renkontiĝoj - Naciaj