Renkontiĝoj - Naciaj

Esperanto-Semajno en Querétaro

Dum la semajno de la Z-tago la grupo ESPERÉTARO varbados kaj propagandos en la urba centro de Querétaro! Tie ni disdonos flugfoliojn kaj diskonigos pri la lingvo internacia al homoj promenantaj!

Kunlaboru kun ni! Bv. kontakti al cfhl.esperetaro@gmail.com se vi interesiĝas aŭ aliĝu al http://www.facebook.com/events/562098693817007/

Venu al la Zamenhofa tago en la ĉefurbo de Meksiko. 15an de decembro, 12:30 h.

Meksika Esperanto Federacio invitas ĉiujn esperantajn parolantojn kaj personojn, kiuj interesiĝas pri la lingvo al nia tradicia “Zamenhofa tago”, ĝi okazos la 15an de decembro en la restoracio “Don Melchor”, kiu troviĝas en Plaza Melchor Ocampo #12 esq. Rio Nazas, Col. Cuauhtémoc, México D.F. je la 12:30 h. Don Melchor troviĝas relative proksime de la “Diana Cazadora”, la plej proksima metrostacio estas “Sevilla”, linio 1, kiu veturas de Observatorio al Pantitlán.

La ĉeestontoj havos la eblon renkonti amikojn, praktiki la lingvon, koni novajn personojn, ktp. Krome ni legos iom pri la kreinto de Esperanto, dro. Ludoviko Zamenhof kaj transdonos atestilojn de KER al kiuj faris kaj sukcesis la ekzamenon lastjunie, aliteme MEF montros kaj vendos diversajn materialojn de sia libroservo kaj, kiel kutime pro tiu grava festo, la asocio lotumos donacetojn inter la homoj.

Kompreneble la renkontiĝo mem estas senpaga sed ĉiu pagos siajn manĝaĵojn kaj trinkaĵojn, la manĝo estas bonkvalita kaj ne multekosta. Kompleta manĝo kostas ĉ. $60.00 (meksikajn pesojn). Bv. konfirmi ĉeeston plej malfrue ĵaŭde la 13an de dedembro al informacion@esperanto-mexico.org aŭ voku al poŝtelefono 5514753963. Nur se la homoj konfirmas, ni povos havi antaŭrigardon por informi al la restoracilaboristoj pri tabloj, seĝoj kaj manĝo.

Ni esperas renkonti multajn el vi tiam. Memoru ke estos bona okazo por (re)aliĝi al MEF por la jaro 2013. La jara kotizo dependas de en kiu kategorio vi troviĝas, sekve ni informas vin pri ili:

Vendrede, la 16an de novembro “interkona vespero” en Querétaro. Malfermita por ĉiuj, PARTOPRENU!!!

Meksika Esperanto Federacio kaj la klubo ESPERÉTARO, invitas vin partopreni la 16an de novembro je la 18a h. al la “interkona vespero”, kiu okazos kadre de la 12a Meksika Esperanto Kongreso. La invito estas por ĉiuj: kongresanoj kaj kiuj nur volas / povas partopreni en tiu renkontiĝo.

 

La adreso de la renkontiĝejo estas:
Restoracio “La Taruga” (baldaŭ “Fiume 37”)
Av. Universidad Pte. #37 A.
Inter Ezequiel Montes kaj Ocampo.
Centro, Querétaro
Tel. 212 70 59

La renkontiĝo mem ne havas koston sed ĉiu pagos siajn manĝaĵon kaj trinkaĵon. La posedanto de la restoracio rekomendos al ni 2 manĝopciojn, tamen la homoj povas peti kion ajn ili volas de la menuo. Por doni al vi ideon pri prezoj, granda pico por 2 personoj kostas $70.00 (sepdek meksikajn pesojn).

12a Meksika Esperanto–Kongreso. Querétaro, 16a-19a novembro 2012

La 12a Meksika Esperanto Kongreso (MEK), kies temo estas: "Esperanto - 125 jarojn kunigante popolojn, fratigante kulturojn", okazos inter la 16a kaj 19a de novembro, en la urbo Querétaro, Querétaro.

La sidejoj de la 12a MEK estos:
1) La Fakultato pri Lingvoj de la Universitato Aŭtonoma de Querétaro (UAQ) kaj,
2) la Universitato pri la Ideoj (UdEI).

La ĉefa temo de la kongreso pripensigos nin kiel, tra la historio, la Internacia Lingvo Esperanto plenumis kaj ankoraŭ plenumas sian ĉefan celon: “unuigi popolojn”. Tion manifestis Zamenhof antaŭ 125 jaroj en la Unua Libro, per kiu la lingvo disvastiĝis en la tuta mondo. Nia celo estas ankaŭ trakti diversajn temojn rilate al la nacia kaj internacia movadoj, ekzemple; atingoj, defioj kaj projektoj, la junulara movado, Esperanto kaj meksikaj universitatoj, la lernado de Esperanto, ktp.

Krom tio, estos labortabloj, kursoj, libroservo, konkursoj, inter aliaj aktivecoj.

Aliteme kaj pro diversaj elspezoj bezonataj por la organizado de la evento, ekzemple la loĝistiko, materialo por aktivecoj, administrado, kafejo, inter aliaj; la organizantoj kaj estraranoj de Meksika Esperanto Federacio, interkonsentis ke la aliĝkotizoj estas kiuj vi trovos en unu de la subaj aldonaĵoj.

Morelia vokas: Renkontiĝeto je la 18-a de aŭgusto en Morelia

Sabate, la 18an de aŭgusto, je la 11a horo komenciĝos eta Esperanto-renkontiĝo en Morelia. La plano estas kunesti, vidi filmon, viziti la centron de Morelia kaj babili Esperanton. Bv. informi amikojn ankaŭ pri interesa okazo lerni Esperanton. Dimanĉe kaj lunde okazos intensa kurso, de Esperanto, por detalaj informoj vizitu la sekcion: “Kursoj en la hispana lingvo”.

La renkontiĝejo: strato J.J Codallos, N-ro 175, en la centro de Morelia, Michoacán: ĉirkaŭ 6 stratkruciĝoj de la katedralo. En la okcidento estas la stratkruciĝo inter la stratoj Madero (la ĉefa strato) kaj Cuautla. De tie iru unu stratkruciĝon norden kaj vi trovos la straton de la renkontiĝejo.

Se vi havas dubojn pri kiel alveni, bv. telefoni al 4433050210. PARTOPRENU!

Je la 28a de julio ni festos la 125an datrevenon de Esperanto en Distrito Federal

Meksika Esperanto Federacio invitas ĉiujn esperantajn parolantojn kaj interesitojn al la grava renkontiĝo, kiu okazos la 28an de julio en la restoracio “Don Melchor” , kiu troviĝas en Plaza Melchor Ocampo #12 esq. Rio Nazas, Col. Cuauhtémoc, México D.F. je la 15:00 h. Don Melchor troviĝas relative proksime de la “Diana Cazadora”, la plej proksima metrostacio estas “Sevilla”, linio 1, kiu veturas de Observatorio al Pantitlán.

Ĉi tiun fojon ni festos la 125an datrevenon de la apero de “LA UNUA LIBRO”. Kvankam Zamenhof dum pluraj jaroj laboradis pri la bazoj de la Internacia Lingvo, estis dum la 26a de julio de 1887 kiam varsovia eldonejo publikis lian verkon, do oni konsideras ke tiam estis la naskiĝtago de ESPERANTO.
Dum la renkontiĝo ni havos la eblon spekti la novan filmon de la angla direktoro Sam Green nomata “The Internacional Language”, ankaŭ ni legos iom pri la historio de la “UNUA LIBRO” kaj montros diversan materialon de nia libroservo.

La ĉeestantoj havos la eblon renkonti amikojn, praktiki la lingvon kaj koni novajn personojn. Kiel kutime, ĉiu pagos siajn manĝaĵojn kaj trinkaĵojn. La kompleta manĝo kostas ĉ. $60.00 meksikajn pesojn kaj ĝia kvalito estas tre bona!

Ankaŭ en Querétaro ni festos la 125an jubileon de Esperanto

Venu, ankaŭ en Querétaron kaj festu kun ni la 125a jubileon de nia kara lingvo, praktiku viajn konojn. Se vi estas komencantointeresiĝas pri la lingvo, ankaŭ vi estos bonvena. La redenvuo estas tiun ĉi jaŭdon, la 26an de julio je la 17:00 hr., en Café Qronos, kiu troviĝas en rincón de Dr. Rio de la Loza y Venustiano Carranza, Querétaro.

Ĉu duboj aŭ demandoj? skribu al queretaro&esperanto-mexico.org, ne forgesu anstataŭi & kontraŭ @. Ankaŭ vi povas sendi poŝtelefonmesaĝon al 442 385 1360.
Ni atendos vin tie!

Renkontiĝo en Cuernavaca. Merkrede, la 25an de julio

Venu kaj partoprenu en la renkontiĝo, kiu okazos je la venonta 25a de julio en la kafejo “Café del Gringo” en Cuernavaca, Morelos.

Adreso: Juan Ruiz de Alarcón No. 9 Colonia Centro.
Horo: 16a hr.

Ni profitos festi la 125a datrevenon de Esperanto. Ĉiu pagos siajn manĝaĵojn kaj trinkaĵojn. Ni atendas vin tie!

Venonta renkontiĝo, sabate la 7an de julio en la ĉefurbo de la lando

Meksika Esperanto Federacio invitas:

ĉiujn esperantajn parolantojn al la renkontiĝo, kiu okazos la 7an de julio en la supra etaĝo de la restoracio “Musume”, kiu troviĝas en Rio Nilo No. 71 je la angulo kun strato Rio Lerma, Col. Cuauhtémoc, México D.F. je la 15:00 h. Musume troviĝas proksime de la “Diana Cazadora”, la plej proksima metrostacio estas “Sevilla”, linio 1, kiu veturas de Observatorio al Pantitlán.

Ni renkontiĝos por pasi agrablan posttagmezon, praktiki la lingvon kaj krome, ni ĝuos la ĉeeston de Jean Codjo, benina esperantoparolanto nun vivanta en Kanado.

Kaj certe ni profitos la okazon por paroli pri la spertoj de homoj, kiuj ĵus faris la KER skriban ekzamenon en Tecámac.

Kiel kutime, ĉiu pagos siajn manĝaĵojn kaj trinkaĵojn. Se vi havas komentojn, skribu al informacion@esperanto-mexico.org aŭ sendu mesaĝon al poŝtelefono 5514753963

Venu, partoprenu, amuziĝu!

"Venonta renkontiĝo, marde la 19an de junio en la Ĉefurbo de Meksiko"

Ni invitas ĉiujn esperantoparolantojn al la renkontiĝo, kiu okazos marde, la 19an de junio en la restoracio “VIPS-San Antonio”, kiu troviĝas sur Av. Revolución #700 Col. Nonoalco, ĝi estas ekster metrostacio “San Antonio” linio 7, kiu veturas de El Rosario al Barranca del Muerto. http://www.metro.df.gob.mx/red/linea7.html

La organizanto, Guadalupe Vega, petas al ni renkontiĝi tie je la 18a horo. Ni certe havos agrablan vesperon, ni praktikos la lingvon kaj krome, ni povos paroli pri la ĵus okazintaj skribaj KER-ekzamenoj.

Kiel kutime, ĉiu pagos siajn manĝaĵojn kaj trinkaĵojn.

Venu, partoprenu, amuziĝu!

Renkontiĝo ĉe la klubo ESPERETARO, sabate je la 16a de junio*

Karaj, ĉu vi volas manĝi kun samideanoj? Do, ni kune manĝu!
Nur ni bezonas du aferojn de vi, deserton kaj vian plej ŝatatan tason :)
Ĉiuj vi estas invititaj, se vi volas inviti homon, kiu interesiĝas pri Esperanto, vi invitu lin/ŝin!

Kie: Altamirano 40 norte, col. Centro, Querétaro, Querétaro.
Kiam: Sabate, la l6an de junio je 17a horo
Mi esperas vian konfirmon :) al poŝtelefono: 442 385 1360
* Verkita de Carlos Hernández

"Venonta renkontiĝo, sabate la 28an de aprilo en la Ĉefurbo de Meksiko"

Meksika Esperanto Federacio invitas:

Al ĉiuj esperantaj parolantoj kaj interesitaj personoj al la renkontiĝo, kiu okazos la 28an de aprilo en la restoracio “Doña Blanca”, kiu troviĝas en Rio Nazas No. 210 je la angulo kun Rio Ganges, Col. Cuauhtémoc, México D.F. je la 14:00 h. Doña Blanca troviĝas relative proksime de la “Diana Cazadora”, la plej proksima metrostacio estas “Sevilla”, linio 1, kiu veturas de Observatorio al Pantitlán.

Ni renkontiĝos por pasi agrablan posttagmezon, praktiki la lingvon kaj krome, ni ĝuos la ĉeeston de Goŝi Toyota, japana esperantisto kiu vizitas nian landon.

Kaj certe ni profitos la okazon por paroli pri la baldaŭaj skribaj KER-ekzamenoj okazontaj en Tecámac kaj en Tijuana.

Kiel kutime, ĉiu pagos siajn manĝaĵojn kaj trinkaĵojn. La kompleta manĝo kostas ĉ. $60.00 meksikajn pesojn kaj ĝia kvalito estas tre bona! La restoracio fermiĝas je la 17a, do ne alvenu tre malfrue por povi profiti la tempon.

Venu, partoprenu, amuziĝu!

5a Festivalo de Eksterlandaj komunumoj en Querétaro

La grupo Esperétaro invitas al ĉiu interesito kunpartopreni la “5an Festivalon de eksterlandaj komunumoj en Querétaro”, ĝi okazos de la 2a ĝis la 4a de marto, la evento estas kultura okazaĵo en kiu partoprenas amaso da fremduloj de tre diversaj landoj. Ĝi estos en Parque Bicentenario je la 9 h.
La grupo prezentos sin kiel Esperantoparolantoj en Querétaro. Akompanu nin! Se vi volas partopreni bv. skribi al queretaro&esperanto-mexico.org (Ne forgesu anstataŭi & kontraŭ @) aŭ voku al poŝtelefono de Carlos Hernández 442 385 1360 ĉar ni planas renkontiĝi antaŭe por iri kune tien.

Dimanĉe, je la 26a de februaro renkontiĝo en “Parque Fundidora” en Monterrey

La grupo Esperanto-Monterrey invitas vin partopreni en sia venonta renkontiĝo, kiu okazos venontan dimanĉon, la 26an de februaro je la 12a horo en “Parque Fundidora” apud la forno. Akompanos nin nia kara amiko kaj estrarano de MEF, Daniel Moreno Martínez.
Ĉeestu, ĉiuj estos bonvenaj!

Dokumenta filmo: “Utopio en 4 movadoj” en la ĉefurbo

Meksika Esperanto Federacio plezure invitas vin partopreni je la 17a kaj/aŭ 18a de februaro en la prezento de la dokumenta filmo “Utopio en kvar movadoj”, kies direktoro estas la usonano Sam Green. Unu el tiuj kvar movadoj estas Esperanto. Estus bone se vi povus partopreni, tiel la ĝenerala publiko povus vidi ke “Esperantoparolantoj vere ekzistas”.
La evento estas senpaga, sed ŝajne estas limigitaj lokoj, do… se vi pensas partopreni, bv. veni akurate!
Gira de documentales “Ambulante 2012” prezentas:
“Utopio en 4 movadoj”
Dato: vendrede, la 17an de februaro, je la 8a ptm, kaj sabate, la 18an de februaro, je la 6a ptm.
Loko: Teatro de las Artes (CENART)
Adreso: Río Churubusco #79 cxe la angulo Calzada de Talplan. La plej proksima metrostacio estas “General Anaya”, kiu troviĝas en la blua linio “2”.
ĈEESTU!

Paĝoj

Subscribe to Renkontiĝoj - Naciaj