13a Meksika Esperanto-Kongreso, Ĉefurbo de Meksiko, novembre 2013*

La 13a Meksika Esperanto-Kongreso (13a MEK), kies temo estas: "Agadoj por pli bona mondo", okazos inter la 15a kaj 18a de novembro, en la “Escuela de Estudios Superiores Regina”, kiu troviĝas centre de la Ĉefurbo de Meksiko.

Ni celas kunigi la nacian esperantistaron kaj allogi la partoprenon de eksterlandaj esperantoparolantoj tiel ke la kongreso estu internacia, kia la lingvo estas, tamen la plej grava celo estas kune sekvi la planadon de naciaj agadoj kaj de internacia kunlaboro, plibonigi la Esperantajn konojn de la partoprenantoj kaj daŭrigi la laboron, kiu komenciĝis en 2008 en la Fakultato pri Lingvoj de la UABC (Universidad Autónoma de Baja California) kaj en 2011 en UAQ (Universidad Autónoma de Querétaro) rilate al la oficiala enkonduko de Esperanto kaj la atingitajn rezultojn en aliaj edukaj institucioj de la lando.

Pro tio, Meksika Esperanto Federacio kaj la organiza teamo decidis kunigi fortojn por kundividi kaj interŝanĝi konojn, spertojn kaj alveni al konkludoj, kiuj povus impulsi la disvolvigon de la movado Esperanta en Meksiko.

Krome, la ĉefa temo donos la eblon labori samtempe pri subtemoj, kiuj ne nur rilatos al la Esperanta movado sed al diversaj mondaj temoj.

La programo inkluzivos aktivecojn / prelegojn kiel ekzemple:

a) Ne trudu homojn lerni Esperanton, nur informu ilin efike,

b) Ĉu sunenergio povas helpi por savi la mondon je klimata katastrofo?

c) Aktivula trejnado,

ĉ) Kurso por prepariĝi por KER-ekzamenoj,

d) Ĝenerala asembleo de Meksika Esperanto Federacio,

e) Karaokeo por kanti en Esperanto,

f) En kajmanejo, ni kajmanumas sed ankaŭ aligatorumas

g) Arta vespero.

Aliteme la organizantoj kaj estraranoj de Meksika Esperanto Federacio, interkonsentis ke la aliĝkotizoj estos la sekvaj (dosiero ankaŭ troviĝas sube).

Aliĝu plej baldaŭ kiel eble pagante vian kongreskotizon en la unua periodo! La aliĝilon vi trovos en suba dosiero. Aldonaj mondonacoj venantaj de ĉiuj homoj estas akceptataj, sendepende de la partopreno en la evento.

Por pagi kongreskotizon kaj mondonaci faru deponon aŭ ĝiron al:

  • Banko HSBC

     Konto # 6284087436, je la nomo de Morayma Martínez Mateos,kasistino MEF

     Clave: 021180062840874362

  • la konto de MEF ĉe UEA: mefa-h

  • Per kontanta mono.

ĈEESTU, DISVASTIGU, DONACU MONON, KUNLABORU!  Se vi havas dubojn, bv. skribi al mek2013@esperanto-mexico.org

* En tiun ĉi paĝon ni metos pli kaj pli da informoj pri la organizado de la kongreso.

** Ĉu vi volas scii, kiu estas la origino de la emblemo de la 13a MEK? Iru al sekva ligo kaj vi havos la informojn http://esperanto-mexico.org/eo/emblemo-de-la-13a-meksika-esperanto-kongreso

Categorías: